مذكرات طالب في كلية العلوم

مذكرات طالب في كلية علوم

تأليف ورؤية: اسلام فتحي سعد الدين



المشهد الاول :المنزل


يافتاح ياعليم يارزاق ياكريم

اول يوم جامعه ..نياها ها ها اخيرا بقيت في الجامعه حاجه زي الفل ..كليه
العلوم برضو كليه من كليات (الكمه) والطلب عليها كتير ....يارب نجحني ...

هو انا لسه امتحنت دا انا بقيت في الطراوة خالص


انا-ياماما يلا بقي فين الفطار عايز انزل اروح الجامعه

ماما- ما تبطل يابني وش هو مفيش غيرك دخل الجامعه

انا - هههههه معلش مبسوط شويه



فطرت ونزلت ولا بيا ولا عليا بعد تناول الفطار واللذي منه وهرولت مسرعا علي الجامعه



المشهد التاني في الكليه



انا:صباح الخير هو ايه الزحمه دي

التاني:دول طلبه سنه اولي ياسيدي

انا:والله بجد اصل انا كمان في سنه اولي

التاني:انت دخلت قسم ايه؟؟

انا: قسم كيمياء

التاني: ده قسم روعه ربنا يوفقك الله يرحمك مقدما (الله يحرقه قسم )

انا:انت في سنه كام ؟

التاني :سنه رابعه بقالي فيها 3سنين

انا:انت قسم ايه ؟

التاني:انا قسم كيماء

انا :الله يبشرك بكل خير





المحاضرة الاولي فين بقي في المدرج اللولبي بتاع دكتور مدحت

انا:اوصلو ازاى ؟

التاني :ادخل يمين في شمال في يمين في شمال وبعدين اطلع السلم هتلاقي يمين في يمين في شمال وهتلاقيه في وشك علطول

انا:لا دي وصفه سهله



وطلعت برجلي وياريتني ما طلعت



المحـــــــــــــــــــــــــــــــــــــــــاضرة الاولي



انا الدكتور مدحت مدحت مدحت محمد مدحت

اناايه مركز شباب مدحت ده

محدش بيدخل بعدي

ولا حد بيدخل قبلي

الطلبه- هه مين فين

دكتورمدحت:قصدي محدش بيدخل بعدي

المنهج سهل وبسيط الماده دي هيدرسهالكم اربع دكاترة كل دكتور هيدرسلكم اربع كتب كل كتاب 100صفحه بس وانا مبلغيش حاجه ..



انا:الله يطمنك يابروفسير ويحرقك في نفس ذات الوقت

الكود:

الطلبه:

استعنا ع الشقا بالله

نفتح انهي كتاب يادكتور

دكتور مدحت: الكتاب الاولاني ابو جلده حمرا

نظريه بوهر

الطلبه:بوهر مين

دكتور مدحت :ده واحد بتاع ترمس ع الناصيه هنا

محدش يقاطعني ,بوهر ده راجل زي العسل عمل ايه بقي شرح نظريه الاوربيتالات

انا:الله يخربيتو مطرح ما هو قاعد

دكتورمدحت: ده مات يابو جهل ومتتكلمش تاني لعلقك هنا

الطلبه : لالا بوهر ده زي العسل يادكتور

دكتور مدحت:نظريه الاوربيتالات هتلاقو خمس صفح وش وقفا ,قصدي ضهر تحفظوهم صم زي اسمائكم

جيل عبيط ... والمحاضرة دي مشروحه.

انا:والله ما حد مخبول غيرك يامركز شباب مدحت انت

دكتور مدحت:حد بيتكلم

الطلبه:لالالا مفيش يادكتور

دكتور مدحت:انتهت المحاضرة ونتقابل بكره واووعو تتأخروا الي هيتأخر

هولع فيه والي هيجي بدري برضو هولع فيه

والي هيدخل بعدي برضو هولع فيه والي هيدخل معايا في نفس الوقت برضو هولع فيه ...

انا:الله يحرقك ايه النار دي كلها ياعم رجل الاطفاء انت

يلا بينا ياخونا ده راجل استنجالينا خالص

دكتور مدحت:حد بيتكلم انا سامع صوت

الطلبه :اسكت بقي يااخي هتودينا في داهيه

مفيش يادكتور ده بره

انا:موبايلي يرن

الدكتور يرجع من على الباب

كارنيهك

انا:مطلعتوش

الدكتور:ليه

انا:اصل الفرنه الي فوق زحمه

الدكتور:فرنه ايه

انا:قصدي الشئون الطلابيه

طيب انا هوريلك شغلك اياك تتاخر المحاضرة الجايه انت اسمك ايه ياولد

انا: مدحت مدحت محمد

الطلبه :تغرق في الضحك

هههههههههههههههه هو انت بقي الي جبتهولنا



تتبع

[b][b]

ااااااااااااااية الجماااااااااااااااال دة
هو كل اللى بيدخلوا علوم بيحصل معاهل كدة
بس بجد حراااااااااااااااااااام الدكتور دة هيولع فى مين ولا مييييييييييييييين دة تقريبا ممكن يولع فى الدفعة كلهاااااااا
ربنا معاكوااااااااااااا
بس عاوزة اعرف هى الحكاية دية من الخيال ولا حصلت بجد حقيقية يعنى
بس مستنية الجزء الثاااااااااااااااااااااااااانى
عاوزة اعرف اية اللى حصل لمدحت مدحت محمد شكلة شاااااااف ايام سودة
مشكوووووووووووووووووووووووووووور

ايوة كده ابدعنا يا اسلام ...فى انتظار الباقى

ربنا يخليكي ياانين ياررررررررررررررررررررررررررررررررررررب



وكمان واحد كركاديه ساقع يانووووووووووووووووووووووووووووووووور




[color:00aa=White:00aa]المياااااااااااااااااااااااااااااااااااااااااااء نورتي بجد القصه والقصه خياليه 100%من وخي ابداعي



وهتحفكم بالباقي قريب

[/size][/size]

لا بجد انت خيالك واسع جدااااااااااااااااا
دة لو حقيقى تبقاااااااااا كارثة مصيبة
يالهوووووووووووووى
ربنا يجعل كلمنا خفيف عليهم
لازم الجزء التانى ينزل قريب متشبناش كدة
شكراااااااا

هي المشاريب دي كلها على حساب مين
طبعا انت يعني اللي هتعزم ولاايه
مستنين بقيت الحلقات

يالهووووووووووووووووووووووووووووووووووى
ربنا يكون فى عود علاء من كوكو
واااااااااااية كل دية محاضرات فى اول يوم ينهار اثود يانهار اثود
ال بلطوا ابيض ال طب كوكو عندة حق ولا هما يعنى بيكونا مبسوطيييييييييييييييييين لما يشوفوا الناس مدهولة وشكلها زفت
عاوزين الجزء الثالث يا اسلام
بس بجد
تحفة نحفة
يا نووووووووووور شوف اسلام ياخد ااااااااااااااية وعلى حساااااااااااابى
بس يكمل بسرررررررررررررررررررررررررعة مش لازم يعلقنا كتيرررررررررر

لذيذه جدا يا سولي ر جعتني لذكريات سنه اولي علم نفس بليه الآداب جامعه حلوان علي فكره يا جماعه كليه آداب وكليه علومهم أهم أعرق كليتان بس آداب هي أول كليه بدأت بها دراسه في جامعه فؤاد الأول سابقا القاهره حاليا.
د.طه حسين كان بيقول أعطني كليه آداب وكليه علوم أعطيك جامعه. وياريت ننسي وهم كليات لقمهالمش موجودغير الدول العربيه لأن كل الكليات مهمه ولو العمليه بقي كليات قمه يبقي كليه العلومهي كليه القمه الحقيقيه لأن تقدم كل العلوم الأخريالتطبيقيه متوقف علي تقدم المعرفه في كلي العلوم وهذا ليس مجامله لأحد بل هي الحقيقه. بس ارجع واقول كل الكليات مهمه ولا فرق بينها ألابالتقوي في العلم والمعرفه طولت عليكو واستغلت ردي ليك يا سولم بس موضوعك جميلجدابجد وبفكر اخش علي غرارك بتجربتي في في كليه الآداب وكمان علم نفس يعني البرانويد السكيزوفرينيا والدماغ العاليا

الراجل بيقول نبذة عن الكليااااااااات على اساس ان الكليات دلوقتى بتتقاس بمقياس تاريخ كل كلية
يعنىمغلطش
بس يا سمسم ولا تزعل
كمل انت وهو هيعمل مذاكرات تانية لوحدة
تحت امرك اى خدمة

هههههههههه ايه الجمال ده

انا حاسه كده ان علاء ده هيترفد بسبب كوكو والدكتور
هيعتزل المهنه والله احنا عايزين كوكوده يجي عندنا
علشان في دكتور اسمه عشماوي يعني بجد عايز كوكو
يحرق في دمه ذي ما بيحرق في دمنا
متأخرش علينا الباقي
نوررررررررر حساب الناس دي عندي
اي خدمات

الوجبة عندى يا سمسم ومعاها كمااااااااان واحد بيبسى جامبووووووووووو
اى خدمة
وبرضو الحساااااب علياااااااااااااااااااااااااااااااا

كل سنة وانتوا طيبين يا اعضاء الكافية العظيم دة
رمضاااااااااااان كريم

بجد القصة حلوة جدا وشيقة فين الباقي

ياسمسوم قلي دماغك دي جايبها منين

انت مش معقول انا فطسانه علي نفسي من الضحك بقالي ساعه والقصه دي قراها معايا دلوقتي عشرة ومتقليش ازاي

عشان كل مااقرا حتي اضحك موووت جت اختي تقلي فيه ايه اقولها بصي تقرا
معايا من الاول ونضحك قوي برضو وجه اخويا وبرضو قرينا من الاول وكلنا
قعدنا حولين الشاشه كده وجت ماما وبنت خالتي

يلا عملتلك سياح ف يالعيله

وبجد بقي بابي بيقول انك موهوب قوي

وكمل بقيييييييي يلا العيله كلها مستنيه الباقي

هتزعل بابي ؟

إنشاء الله مش هيزعل بابا وهيكمل المذكرات وطبعا" مش هيزعلنى انا كمان كلنا معجبين بالمذكرات بس نفسى فى مذكرات سمسم

هههههههههههههههههههههه نفسك في مذكراتي انا

سمعتي ام كلثوم وهي بتغني

اهو ده الي مش ممكن ابدااااااااااا ولاافكر فيه ابدا ابدااااااااااااااااااااا

ده مستحيل مذكراتي ياجمييييييييييييييل هههههههههههههههههه

كفايه عليكو مذكرات اكوكو

حقيقي الحلقه التانيه من القصه دمها خفيف وفكرتني بالمعامل والبلاطي اصلي انا زميلة كوكو في العلوم بس قسم فيزياء وكان في قسم بخاف اوصله خالص عشان في معمل تشريح بنات ولا امشي في ريحه خالص ومنتظرين يقية الحلقات ولا الصيام اثر عليك وكل سنه وانتم طيبين

جميلة جداااااااااا يا اسلام اكتر حاجة ضحكتنى فى الكافيه بس انتا عارف انا ايام الجامعة كنت بجنن الدكترة معايا وكنا فى الاخر نتصاحب وبلاخص المعيدين الغلابة بس والله عسل

ههههههههههه
ههههههههههههههههه
بجد جميله جدا يا اسلام
انا داخله المنتدىده مخصوص علشان كركر
اصل ايتن قاعدت تحكلنا عليه وقالت انه مكتوب في المنتدى بس بجد فظيع
اه كويس نتعلم منه ونطلعه على الدكاتره بتوعنا
هههههههههههههه

طبعااااااااا نشترى الكتاب وكمان بدل النسجة عشرة ومليوووووون
حد يطوووووووووول يقرأ مذكرات اسلااااااااااام
طب حتى عيب علينااااااا مش كفاية انك بتدفع الحساااااااااااااااااب
هههههههههههههه
هههههههههههههههههههههههههههه
بهزر طبعا من غير حتى لما تدفع هنشترية بس انت نزلة وملكش دعوة هيتخطف من السووووووووق

اكيد طبعا يا اسلام هشتري الكتاب
يا سلام وعملك كمان ترويج عندنا اي خدمات

هههههههههه اكيد يا اسلام هنشترية
بس انتا يلا نزله وانتا تشوف
مش هتلاقى ولا نسخة اول لما تنزله كلها هتتباع يا عسل

كمل يا ابنى عوزة الباقى شوقتنا اوى للمذكرات دى شكله هينام فى الخط
كمل بقى
حلوووووووووووووووووة اوى ممتعه

بجد الموضوع جامد ومتميز ومختلف
شكرااااا ليك يا اسلام