عندك كام سنة ؟؟
السؤال ده سمعته قبل كيده كتير .. والنهارده حنسألك نفس السؤال لكن ماتجاوبش على طول ..
إنت عارف إن عمرك مش كله عمرك ؟!
يعنى اللى إنت عشته مش كله عشته !!
يعنى أنا عايزة أقول إن إنت مش كلك إنت ..
ممكن تكون إنت أكثر من إنت .!
فاهم حاجة .. طبعا لاء .. وعندك حق ..
يعنى فيه ناس بتعيش 100 سنة لكن ماعشتش ولا سنة من عمرها ،
وفيه ناس بتعيش 20 سنة بس بتعيش كل دقيقة فى عمرها ..
باختصار .. العمر الحقيقى مش هو اللى فى البطاقة..
العمر الحقيقى حاجة تانية خالص .. شكل تانى ..
علشان تعرفه شارك معانا فى اللعبة ( لعبة العمر )
كل ساعة بتضيعها من عمرك معناها إنك ضيعت 365 ساعة فى السنة يعنى حوالى 15 يوم ..
اتبع التعليمات جيدا وخليك صادق مع نفسك عند اجابة جميع الاسئلة :
ادخل عمرك الحالى : ـــــيوم ــــشهر ـــــسنة
مجموعة (أ )
اعط لنفسك عن كل إجابة بـــ :
دائماً : صفر ،،،
نادراً: 8 شهور
غالباً: 2 شهر و 20 يوم
أحياناً: 5 شهور و 10 أيام ،
أبداً : 10 شهور
*هل تحرص على إعطاء ساعة من وقتك يومياً للقراءة أو ممارسة هواية مفيدة؟
*هل تصلى الصلوات الخمس فى مواعيدها ؟
مجموعة ( ب )
اعط لنفسك عن كل إجابة بـــ :
دائماً : صفر ،،،
غالباً: شهر و 10 أيام
أحيانا : شهرين و 20 يوم
نادراً: 4 شهور ،
أبداً : 5 شهور و 10 أيام
*هل تحرص على الانتظام فى مواعيدك؟
*هل تحرص على مراجعة دروسك يوميا عند عودتك إلى المنزل؟
*هل تمارس الرياضة ولو نصف ساعة يوميا ؟
مجموعة ( ج ) :
اعط لنفسك عن كل إجابة بـــ :
دائماً: 3 سنوات و 4 شهور
غالباً : 2 سنة و 2 شهر
أحياناً : سنة و 4 شهور
نادراً:11 شهر
أبداً : صفر
*هل يحتل التليفزيون مساحة كبيرة من وقتك؟
*هل يتعدى معدل نومك 8 ساعات يوميا؟
*هل تعتادين الجلوس أمام المرآه؟ / هل تعتاد الجلوس فى الشارع؟
اجمع ناتج مجموعات الاسئلة السابقة من أيام وشهور وسنوات ... ـــيوم وــــشهر وـــــسنة
تخيل.. هذا هو عمرك الضائع، نعم هذا هو عمرك الضائع من خلال بعض المواقف المحدودة..قارن بينه وبين عمرك الحالى وانظر كم ضيعت من عمرك فى هذه المواقف فقط..
أكيد كلنا بنضيع من عمرنا سنين وسنين واحنا للاسف مش حاسين..
وبذلك لا بد ان نستثمر كل ثانية من وقتنا فى عبادة .. مذاكرة .. قراءة .. رحلة ....
المهم يكون شىء مفيد ومانضيعش وقتنا من غير فايدة
مش كيده ولا إيه ؟
أتمنى مايكونشى إيه
موضوع: ع ــــندك كـــام ســـنــــة ؟؟ 
الأربعاء يناير 02, 2008 2:05 pm
