دية أخرت اللى ميسمعش كلمة ماما تقولها؟؟

موضوع منقوووووول بس بجد بجد تحفة جداااااااا دية أخرت اللى ميسمعش كلمة ماما تقولها؟؟ 712327

يا افتكاساتك يا أبو السييييد

تامر : معلش قبل ما ندخل فى الموضوع عندى سؤال

ابو السيد : بس يااااد سؤال ايده ...؟ الى انتا عاوز تسأله للباشا

.ابو السيد.؟

تامر : ياعم انتا ........... يعنى ايه افتكاسة انتا فاكرنى جاي

من المريخ مشى. ولا جاى راكب عجلة .. ولا ايه ؟

ابو السيد : بص يا تامر .... عشان انتا صحبي بس مش اكتر انا حا قولك يعنى ايه افتكاسة ؟

بصراحة يا تامر ........تعالى نفتكس

تامر : تعالى ياعم علمنى

ابو السيد : ايه ياعم اول مرة تعرف انك ممكن تفتكس

تامر : ابوس ايد ماما ام ابو السيد ترحمنى وتقولى يعنى ايه افتكاسة ..................

ابو السيد كان ماشى فى الشارع وتامر بيكلمه اهم حاجة وهما ماشين لاقوا بنتين (اتنين بنات يعنى ) معدين
ابو السيد فضل يصفرلهم ويغمزلهم بعينه الشمال

تامر : بس يا ابنى بس يا ابو السيد ............ انتا حا تجبلنا الضرب كده انتا ما تعرفش دول اخوات مين ؟

ابو السيد : ياعم خليك فى حالك ......وبعدين لو طلعوا اخوات (هوجن) بجلالة قدره حا يعملنا ايه يعنى ؟

تامر : ياريت اخوات هوجن .......

ابو السيد : ايه هما من اخوات كان واخواتها ولا ايه ؟.

تامر : ياعم ابعد عن معاكسة البنات..... انتا بس ؟

وبعدين تعالى نروح نتمشي فى مكان تانى وورينى يعنى ايه افتكاسة وازاى افتكسها ؟

ابو السيد : بص يا تامر .....انا بقى غرغرت فى دماغى ومسمرت فى الخشاشيب ومش حاسييب البنتين دول النهاردة الا وانا

ماشى معاهم يا بنى دول........... بنات

بنات ياعم .............. وانا محروم من البنات

تامر : ياعم انتا انتا محروم انتا ؟

قول حاجة غير كده ....ياراجل دا انا كل يوم اجيلك الاقيك قاعد جنب واحدة فى الكلية

ابو السيد : ياعم انا قاعد بس .... لاكن فى فرق بنات الشارع غير بنات الكلية ...

واذا بالمعلم ابو السيد يبسبس للبنات .......

بس
بس
بس
تامر : انتا بتبسبس لقطط يا بنى ؟

ابو السيد : بقولك ايه ياعم تامر الشارع ده كبير وواسع خدلك انتا ركن ورقبنى من بعيد وشوف انا حا عكسهم ازاى

تامر : شكلها كده حا شوفك وانتا متعلق على سيخ زى المعزة الى دبحوها فى الصحرا

ابو السيد : ما هما التوتى الى زيك دول هما الى بيرجعونا لوراه .............

تامر : بقولك ايه ياعم انا عاوز دلوقتى اعرف انتا حا تعمل ايه

ابو السيد : حا عرفك اول قاعدة من قواعد الافتكاسة ........

وبعدين انتا ما شفتش البنت اول ما غمزتلها وشها اخضر ازاى

تامر : اخضر .........ليه هى كانت بتعمل عملية البناء الضوئى وانتا جيت غمزتلها

ابو السيد : يا بنى بقولك انتا لسة صغير ........اتفرج عليا من بعيد......وشوف ابو السيد حا يعمل ايه ؟

تامر : يارب ارحمه معلش ده اخر طلب ليا عندك يا ترحمه ياترحمنى اهم حاجة تخلصنى من الصحوبية دى .؟

واذا بأبو السيد يمشى ورا البنات ويفضل يبسبس لهم

ابو السيد : انتا ياقمر ........انتا ياعسل ...هو ليه القمر مطنشنا النهاردة ......بس زى القمر والله .......ماتردى بقى هو انا حا

فضل ماشى طول السكة وراكم ؟

واحدة من البنات : انتا عاوز ايه مننا ما تسيبنا ماشين فى حالنا هو انتا مالكش اخوا ت بنات

ابو السيد : مقدم طلب ولا الله ...... يبقى ليا اخوات بنات حلوين زيكم كده .........؟

البنتين يردوا عليه : يا عينى هو انتا وحيد ماما وبابا

ابو السيد : وحيد ........مين وحيد ده دا انا بقيت وحيد سيف من ساعة ما شفتكم

البنتين : الله الله دا انتا شكلك ما تعرفش احنا مين

ابو السيد : معرفش ونفسي ومون عينى اعرف .......

واذا بالبنتين يصوتوا ...وينادوا على واحد اسمه جعفر ......يا جعفر...........ياجعفر.

ابو السيد : مين جعفر ده وبعدين ليه بتقولوا جعفر يا جعفر ما تقولوا سيد يا سيد احسن

ومرة واحدة ينط جعفر من البلكونة اللي فى الدور التالت وينزل للبنات ويقولهم بصوت طخين فى أيـــــــــه يا بنات ؟

الحقنا يا جعفر الولد ده عمال يعاكسنا من ساعة ما مشينا واحنا مش عرفين نعمل ايه ؟

ابو السيد واقف متمسمر مكانه .....وتقريبا كده جاله شلل نصفى ومش عارف يتحرك من مكانه

فضل يقول لنفسه اجري يا ابو السيد انفد بجلدك يا بنى ؟ .......هو في ايه هى رجلية عطلانة ولا ايه؟ جعفر بيقرب جعفر

بيقرب اكتر ....جعفر بيقرب اكتر واكتر

ومرة واحدة جعفر مسك ابو السيد وقاله هو انتا بقى الى بتعاكس البنات

ابو السيد : اعاكس مين ياعمو ؟

جعفر : انتا حا تسطعبط ياااااااااد ؟

ابو السيد : استعبط ايه الالفاظ السوقية دى عيب ياعمو انا متربى كويس

جعفر :طب طالما انتا متربي كويس بتعاكس البنات ليه ....؟

ابو السيد: مش انا اللي عاكستهم هما الى كانوا بيعكسونى .... حتى بص كانوا ماشين قدامى ؟

جعفر : بقولك ايه انا بقالى كتير ما ضربتش حد وانتا بقى العشوة بتعتى النهاردة

ابو السيد : عشوة ...... انا وقعت فى أسد ولا ايه ...........الحقونى................

وبعد علقه سخنة كلها المعلم ابو السيد من جعفر

رجع تقريبا شبه عريان لتامر ورافع وشه للسما على اساس انه ضارب مش مضروب

تامر : هههههههههه الله يا ابو السيد اول مرة فى حياتى اشوفك من غير هدوم...انتا مولود كده صح ؟

ابو السيد : الهدوم دى يا بنى شيء مادى ليس له قيمة وبعدين زى ما انتا شايف البنات كانوا عاوزين هدوم فأنا قولت اديهم

هدومى وامشى انا بالشورت

تامر : بس انا سمعت كده تقريبا يعنى ؟صوت حاجة طرقعت على وشك او صوت قفه حاجة زى كده يعنى ؟

ابو السيد : اه الصوت ده كان صوت قفه عم جعفر اصل البنات الى انا كنت بعكسهم والحمد لله اتعرفت عليهم ووصلونى

لغاية بتهم وشربت شاى كمان وبعدين انا ماكنتش اعرف ان عم جعفر يبقى ابوهم كنت بحسبه بيعكسهم فأعصابي فلتت منى

وقمت جى ضربه وعلمته الادب واديته هدومي كمان

تامر : اه ما انا قولت كده برضه ...........؟

ابو السيد : اى خدمة شفت ادينى اتعرفتلك على البنتين الجامدين الى فى منطقتنا بكره بقى ان شاء الله حا بقى اخليك تشوفهم من بعيد

تامر : من بعيد ليه احنا نمشى معاهم احسن انتا مش قولت هما بقوا صحابك .........؟

ابو السيد صحابي اوى اوىىى اوى يا تامر دول حبونى هما الاتنين مرة واحدة شفت بقى

تامر : اه اه انا شفت كل حاجة ............بصراحة ابو السيد اسم على مسمي........؟

افتكاسة من افتكاسات ابو السيد

دية اخرت اللى ميسمعش كلمة ماما تقولهاااا

تحيــــــــــــــاتى

واسمعوا كلام ماما

ههههههههههههههههه

ههههههههههههههههههههههههههههههههههههههههههههههههههه
لا صراحه جامده

ههههههههههههههههههههههههههههههههههههه

بجد بجد بجد جامدة جدا

hhhhhhhhhhhhhhhhhhhhhhhhhhhhhhhh
la mosh ader abatal de7k
hhhhhhhhhhhhhhhhhhhhhhhhhhhh
bas elwad abo elsaied da walad 7.amed moooooooot

مشكوووووووووووووووووورين على ردودكوا الجميلة

» قول كلمة للمياء
» الحب كلمة فى حتوته بدايتها كان يا ما كان
» ايه اللى بيحصل ده ؟
» الدجل اللى على حق ............... ادخل وشوف
» خش وقول الكلمات اللى بتعبر عنك