ولدك ولا جوزك؟؟(منقول)

يا جماعة الموضوع دة منقول بس بجد تحفة انا مش جيباة تعبيرا عن وجهة نظرى فية ولكن من اجل الضحك والتسلية مش اكتر

رغم انة فى حاجات صحيحية شوية بس برضو مش للدرجادى اسبكوا مع الموضوع بقا::

*مع ابوكى .. فى العيد بيديلك العيديه وفوقيها بوسه .. لكن مع جوزك .. بيقول انت خلاص كبرتى على الحاجات دى

*مع ابوكى لو حصل وكنتى زعلانه .. بيزعل عشانك .. لكن مع جوزك .. بيزعل منك .. ويلومك ازاى تزعلى اصلا

* ابوكى .. كلمه حلوه ترضيه .. وجوزك .. طول الليل تحايلى فيه

*أبوكى .. لما تدلعى عليه .. بيفرح بيكى .. انما جوزك .. بيقولك .. اكيد عايزه حاجه

*ابوكى .. لما تقولى له .. ده حصل كذا وكذا .. بيهتم ويصدقك .. انما جوزك .. بيقولك .. الموضوع دا وراه ان .. ويشك فى كلامك

* ابوكى .. لو شافك بتعيطى ها يمسح دمعتك .. انما جوزك .. ها يقولك يادى النكد

*مع ابوكى .. لو حاطه ماكياج فاقع شويه.. ها يقول لك الهادى عليكى احلى .. وانت احلى من غيره خالص ( يا حبيبى يا بابا ) .. لكن جوزك .. ها يقولك شكلك زى عروسة المولد

*مع ابوكى .. نفسك تخرجى مع صحباتك .. ها يقترح عليكوا تروحوا فين .. ويجى يوصلك كمان .. لكن جوزك .. ها يقول مالوش لزوم .. والبيت ماله

*ابوكى .. لو طلب منك كوباية ميه .. بيقولك لو سمحتى عايز ميه .. انما الكابتن .. بيقولك قومى هاتى ميه

* لو ابوكى نايم .. وانتى صاحيه لسه وعامله شوية دوشه .. ما بينطقش .. لكن جوزك .. صوت زعيقه ها يسمع الشرق الاوسط كله

*ابوكى .. فى كل الاحوال بيتناقش معاكى .. جوزك مناقشته معاكى قائمه على انه لازم يطلعك غلطانه حتى لو الموضوع مالوش علاقه بالغلط والصح

*لو بتتفرجى مع ابوكى على التليفزيون .. ها يسيب لك الحريه تتفرجى على اللى انتى عايزاه .. لكن المحروس .. مافيش قدامك غير يا الاخبار يا الكوره

*ابوكى دايما شايفك حلوه .. جوزك مش بيشوفك حلوه الا فى الحالات النادره .. او اذا كنتى صاروخ وهو مضطر يعترف وفى الاغلب مش ها يعترف

*لو جالك مكالمه غلط على موبايلك .. ابوكى ها يقولك حصل خير .. لكن جوزك .. ها يتهمك بالخيانه

* لو ما فيش فى التلاجه غير ازازة بيبسى واحده .. ابوكى ها يسيبها لك بنفس راضيه .. لكن جوزك ها يقول معلش انا لازم ابلع او ها يقسمها معاكى بس ده قليل لو حصل وقسمها معاكى فعلا

*لو اتزحلقتى على الارض .. ابوكى ها يجرى يشيلك .. جوزك ها يقعد يضحك ويقولك ما انتى اللى مش منشفه الارض كويس

*ابوكى .. ممكن يكتبلك حاجه باسمك .. او يحطلك مبلغ فى البنك .. جوزك .. لا لا لا يمكن نفسه تطاوعه على الفعله الشنعاء دى

*لو العربيه عطلت بيكى .. ابوكى.. ها يقولك اقفليها وتعالى وانا ها اتصرف .. جوزك .. ها يقولك متركبيش العربيه تانى



* لو مقدمه على شغل .. ابوكى.. ها يوصى عليكى طوب الارض .... لكن جوزك .. مش ها يتعب نفسه ولا يهمه اصلا وها يقولك يعنى انتى ها تشتغلى وزيره


* ابوكى لو لاحظ انك متخانقه مع اختك .. ها يصالحكوا على بعض .. لكن جوزك .. ها يقول خليهم يولعوا دول عيله عجب


* مهما ابوكى كان متضايق .. لا يمكن تكلميه وتلاقيه مكشر .. لكن جوزك .. لو متضايق .. مصر كلها هتنكد عليكي

دة مش راى خالص ولا نصيحة منى لاى بنت بس عاوزة اسمع رايكوا اااااية فى المقارنة من النوع دة

شكراااااااااااااااا