لسانا بنخاف

لسانا بنخاف

--------------------------------------------------------------------------------

لسانا ما بنعرفش
نقول
رغم ان فينا ناس
عدو السبعين
لسانا خرس
ومساجين
في جذورنا
المنعزله
لسانا بنهوي
نستخبا ورا
الأسوار
ونبني
ألف جدار
وجدار
لسانا
خايفين
م الريح
لنسيب جنحتنا
فنخبط في السور
ونصبح خلف الأسوار
لسانا جوه عقولنا
ألف جدار وجدار
ونخاف لنعوم ضد التيار
فنموت
لسانا بنخاف م الموت
ليجينا
طب ما هو هايجينا هايجينا
طب ما يجينا
واحنا فردين جناحتنا للريح
وعايمين ضد التيار
وهادين كل الأسوار
وعايشين
...أحرار

خرجت للنور27\10\2004
13 رمضان 1425

آنين البحر كتب:

ايه الكلام الجامد ده رائعععععععععععععع بجد كلامك بسيط ومعبر

وده بيخليني اسأل احنا ليه بنخاف ؟

ربنا يخليكي يا آنين أحنا بنخاف لأن الجيل البيربي اتلربي في زمن القهر والخوف في زمن الدوله البوليسيه الناصريه أتربوا علي أكاذيب الدوله و عبدوا عبد الناصر وخافوا منه وصدقوه وصدقو ا كل الصحف المتحكم فيها أتربوا علي سينما موجهه ومسرح موجه وأدباء موجهين وأغاني موجه أي أعلام موجهه تماما أتربوا في زمن مخبر لكل مواطن وزمن كتابه التقرير لحد لما فقدنا الأرض والعرض في 67 فطبيعي أن الأجيال التربت علي الخوف متقدرش غير أنها تقهر ولدها وتربيهم علي الخوف أيضا يعني هما هيبقوا عبد الناصر علي ولدهم في البيت وهذا يسمي في التحليل النفسي بالتوحد بالمعتدي.
وهذا الكلام لا ينطبق علي أسرتي والحمد لله أحنا عندنا مشاكل تانيه بس مش حته الخوف دي.

احنا بنخااااااااااااف؟؟؟؟؟
من التاثير بالتجارب المحيطة بيناااااااااااااااااا
منعرف نمشى بمبدأ اجرب مرة او انول شرف التجربة
ولكن نفضل الخوف والاختفاء والاختباء خوفا من اللوم او تانيب الضمير او كلامات الناااس القاااااسية
حجازى بجد جميلللللللللللللللللللللللللل اوووووووووووووووووووووى

LAMIAA 52 كتب:

احنا بنخااااااااااااف؟؟؟؟؟
من التاثير بالتجارب المحيطة بيناااااااااااااااااا
منعرف نمشى بمبدأ اجرب مرة او انول شرف التجربة
ولكن نفضل الخوف والاختفاء والاختباء خوفا من اللوم او تانيب الضمير او كلامات الناااس القاااااسية
حجازى بجد جميلللللللللللللللللللللللللل اوووووووووووووووووووووى

بالظبط هو ده المضيعنا في كل حاجه مش عارف ليه دايما خايفين من كل شيء بالذات أراء الناس البينسبها تتحكم فينا وفي حياتنا دي مش عارف أزاي وأشكرك بشده يا ليما

ليما؟؟؟؟؟؟؟؟؟؟؟؟؟؟؟؟؟؟
دة اسمى بعد النيو عوك
لمياء؟؟؟؟؟؟؟؟؟؟؟
ال شاعر ال
هههههههههههههههههه
بهزر اوعا تزعل

لا مفيش زعل يا ليما لو تحبي مقولكيش كده تاني قوليلي أصل انا لازم أدلع كل صحابي ولاد وبنات

لا تدلع ااااااااااااااااااية لحسن حد يفهم غلط واكيد مش هيكون قصدة بس الواضح ادامة كدة
خلينا فى لميا بس
شكراااااااااا لذوقك

LAMIAA 52 كتب:

لا تدلع ااااااااااااااااااية لحسن حد يفهم غلط واكيد مش هيكون قصدة بس الواضح ادامة كدة
خلينا فى لميا بس
شكراااااااااا لذوقك

هههههههههههههههههههههههههههههههههههههههههههه
أوكيه يا لمياء تحت أمرك

بصراحه جميل جدا اسلوبك بس انا بختلف معاك من الخوف لان جيل عبد الناصر هم الاجداد دلوقتي بس الشباب اللي طالع ما بيخافش من اي حاجه وانا ملاحظه كده من مساحة حرية الراي والتعبير عندهم وكمان الجراءة الشديدة في تناول اي موضوع
بس انت كاتب ان الراجل عمره سبعين يعني من الجيل اللي تربى على الخوف

أشكرك يا أمه الله بس لسه في كتير خوف أيتها الأمه الصالحه نفسنا منخفش من كلمه الحق ومن ظبط الشرطه ومن أمريكا و أسرائيل نفسي منخفش من نقد الناس نفسي منخفش غير من ربنا في كل أعمالنا