الصداقه

هل يعلم كل منا معني الصداقه الحقه.اظن اننا لا نتوقف كثيرا عند معني الصداقه,فنحن الجيل الذي يتعلم من خلال الممارسه والفعل.فنحن جيل نتعلم وفقا لنظريه المحاوله والخطأ.
أنا نفسي مفهوم الصداقه عندي مثلا,أن الصديق هو الشخص الذي يقف بجانبي في السراء والضراء وبالذات الضراء دي.يعني الصديق الذي أحترمه قوي هو الذي يقف بجانبي ساعه الأزمه وكذلك الذي يكون لي أفكار مشتركه معه وبنخرج سويا و لنا خبرات خضناها معا.
فمثلا أنا صديقي الصدوق اسمه محمد علي أتعرفت عليه وأنا في أولي أبتدائي من خلال الفصل الكنا فيه وبالتالي المدرسه ثم دخلنا ثانويفي نفس الفصل وجامعه نفس الكليه ونفس القسم آداب علم نفس وكنا بنذاكر سويا ونخرج سويا ونحضر الأكل سويا وخضنا مغامرتنا سويا وبنقف جنب بعض رغم أن لنا طباع مختلفه بس أحنا لذاذ جدا سويا.
عايز أفتي شويه فاسمحوا لي ان اتجعص واحاول ان افتكس درجات الصداقه محاولا تحليل مفهوم الصداقه ال يعني واد مفكر وعبقري.
أولا ولاهي حلوه اولا دي يا حجوز بطل هزار وكمل حاضر يا id
أولا: الصديق الصدوق وهو كاتم أسرارك الخاص وأنت كمان كاتم أسرار جنابه وهو أقرب المقربين لك.
ثانيا:باقي الشله وهم أصدقاء ومقربين ولكن بدرجه أقل من الصديق الصدوق الأنتيم يعني وأصدقاء من خارج الشله ربما يكونوا في نفس مستوي العلاقه بأصدقاء الشله.
ثالثا:أصدقاء أخواتك ال بيصبحوا أصدقاءك الي حد ما بحكم علاقتهم بأخيك وممكن أنهم يظلوا في مستوي المعارف المقربين او ان علاقتك بيهم تتطور حسب الظروف يعني ما تفتحوا دمغكم معايا كده .
رابعا:زملاء ودول البتفرضهم علينا الظروف زي زملاء العمل والدراسه ودول مشروع صديق لو أنسان كويس أوعالم بيلطه هتخنق علي الواحد عيشته وتكفر ذنوبك او يفضل زميل محلك سر ودول الأشخاص ال كلامنا معاهم ومشاعرنا نحيتهم عاديه وغير متطوره.
ولاهي افتكاس كويس يا حجوز باين عليك مستواك هيطور يا ميزو.
دلوقتي اسمحوا لي اكلمكوا عن الصداقه من منظور لفلاسفه وأدباء سابقيين وبعدين عايز ردوكوا ومشركتكوا ان مش بكتب لنفسي واحكوا لي عن مفهومكم عن الصداقه وخبراتكو مع هذا المفهوم.
رأي أرسطو في الصداقه بين في كتابه "علم الأخلاق" الي نيقوماخوس" ان الصداقه هي حد وسط بين خلقين فالصديق هو الشخص الذي يعرف كيف يكون مقبولا من الآخريين كما ينبغي بعيدا عن المسايره والتملق والشراسه والشغب ويضيف الي تعريف الصداقه انها عطف متبادل بين شخصين حيث يريد كل منهم الخير لآخر مع العلم بتلك المشاعر المتبادله فيما بينهما.
وكذلك يعرف الصديق بانه هو من يعيش معك ويتحد واياك في الأذواق والذي تسره مسراتك وتحزنه احزانك وبذلك تقوم الصداقه علي المعاشره والتشابه والمشاركه الوجدانيه.
تعريف الصداقه في المعاجم العربيه:
جاء في لسان العرب" لابن منظور": ان الصداقه من الصدق والصدق نقيض الكذب وبهذا تكون الصداقه هي صدق النصيحه والاخاء والصديق هو المصادق لك والجمع صدقاء وصدقان وأصدقاء وأصادق وقد يقال للواحدوالجمع والمؤنث صديق.
رأي"ابن المقفع"من كتاب الأدب الكبير:
فمن اقواله اعلم ان اخوان الصدق هم خير مكاسب الدنيا هم زينه في الرخاء وعده في الشده ومعونه علي المعاش والمعاد فلا تفرط في اكتسابهم وابتغاء الوصلات والأسباب اليهم.
رأي "أبو حيان التوحيدي" :
يعبر عن قناعته بقيمه الصدق فيشير الي انها تسمو علي القرابه وهنا يستشهد باجابه ابن القفع عن سؤال وجه اليه ونصه هل الصديق احب اليك ام القريب؟
فأجاب القريب أيضا يحب أن يكون صديقا.
فأنتوا بقا أيه رأيكم في الصداقه ومفهومكم عنها.

آنين البحر كتب:

موضوع جميل جدا يا حجازي

الصداقه دي اهم شئ للآنسان لان الصديق بيكون كاتم اسرار صاحبه وبعدين اكيد اختيار الصديق ده بيبقى صعب شويه وبالذات في الوقت اللي احنا فيه ده علشان اللي بيصاحب دلوقتي بيكون عايز حاجه او ليه مصلحه بس انا مقالتش كل الصحاب طبعا ذي ما في الوحش في الحلو
انا مثلا معنديش صاحبه انتيم ايوه احنا جروب كبيييييييييير جدا وكلهم بيحبوني وبيحبو يحكولي مشاكلهم وانا اللي بقدر اعمله بعمله يعني انا انتيمه بس محدش انتيمي فهمني صح
علشان كده صديقي الوحيد هو القلم
يارب اكون قلت كلام كويس
وانت استشهد في كلامك بناس عباقره بجد يعني عامل شغل جامد
شكرا حجازي تقبل مروري

ربنا يخليكي يا آنين وشكرا ليكي ولذوقك وللأهتمامك بالرد وأكيد قولتي كلام كويس طبعا وحلو ان أحنا نفكر سوا علشان نوصل لحاجه لأن أحنا للأسف نظامنا التعليمي لم يتح لنا الفرصه أن أحنا نفكر

واللة يا حجازى بجد موضوع شيق جدا بس سدقنى واللة الناس دلوقتى ما بقاش يهمها

الا نفسها يبقى اكيد الصاحب مش هيفكر فى صاحبة الناس عايزة كتير من الدنيا عاوزة

الفلوس وسدقنى خلى والدك ووالدتك هما اصدقاءك واخواتك كمان لان لان الزمن دة

مش هتلاقى حد يحبك اكتر من الاشخاص دى وكل سنة وانت طيب

موضوع جميل جدا يا حجازى
انا مش متفقة مع محمد الام والاب دول صدقتهم حاجة وصدقتك بشخص تانى حاجة
الصديق دا بيبقى مراية صاحبه وبيديك اللى متقدرش تاخدة حتى من والديك ودا رئى
ووشكرا مرة تانية يا حجازى على موضعك الجميل دا

migo كتب:

واللة يا حجازى بجد موضوع شيق جدا بس سدقنى واللة الناس دلوقتى ما بقاش يهمها

الا نفسها يبقى اكيد الصاحب مش هيفكر فى صاحبة الناس عايزة كتير من الدنيا عاوزة

الفلوس وسدقنى خلى والدك ووالدتك هما اصدقاءك واخواتك كمان لان لان الزمن دة

مش هتلاقى حد يحبك اكتر من الاشخاص دى وكل سنة وانت طيب

مصدقك يا ميجو وربنا يخليك علي ذوقك وأنت طيب يا حبيب قلبي
والصداقه شيء طيب وشيء مهم بس بجد أصبحت عمله نادره جدا ورأيك سليم جدا بس بجد صاحب واحد محترم جدا أسمه الكتاب بجد صديق وافي ومفيد ومعاك في أي وقت بدأ بكتاب الله ثم باقي الكتب

رقة الندى كتب:

موضوع جميل جدا يا حجازى
انا مش متفقة مع محمد الام والاب دول صدقتهم حاجة وصدقتك بشخص تانى حاجة
الصديق دا بيبقى مراية صاحبه وبيديك اللى متقدرش تاخدة حتى من والديك ودا رئى
ووشكرا مرة تانية يا حجازى على موضعك الجميل دا

علي فكره أنا معاكو أنتوا الأتنين بس المشكله أن الصديق بقي عمله نادره فعلا وشكرا علي ردِك يا رقه

شكرا ليك ياحجازي الموضوع شيق جدا
جميل جميل

ربنا يخليك يا بلياتشو أشكرك بشده

الموضوع رائع
بس اهم شىء الصداقه

حتى الناس بيقولو تعرف الانسان من صديقه
الصديق مرأة صديقه

ممكن اى حد يغشك الا الصديق
بس موضوع سيق عن جد
القلب الطيب

القلب الطيب كتب:

الموضوع رائع
بس اهم شىء الصداقه

حتى الناس بيقولو تعرف الانسان من صديقه
الصديق مرأة صديقه

ممكن اى حد يغشك الا الصديق
بس موضوع سيق عن جد
القلب الطيب

ربنا يخليكي يا ذات القلب الطيب أشكرك بشده ويارب مواضيعي يكون فيها أي أفاده لوجه الله سبحانه وتعالي وحده لا شريك له
حلو عن جد دي أنتي فلسطينيه