أول الطريق الشائك !!

1 عدد الرسائل : 1108 تاريخ التسجيل : 31/08/2007

]أول الطريق الشائك .

-1-

اليوم وصلت الي اقصي درجات هستريا الضحك
فكأن
انفجار مدوي انفجر للتو بداخلي فجر معه آلاف الضحكات والدموع والنكات وكم
لا بئس به من افشات الافلام والاغاني - الهابطه - علي الرغم من اني لست
مستمع ولا حتي متابع جيد لها
الا ان فراقها ترك فراغا هائلا
بداخلي .. جعلني مجوفا لا احمل اية تعابير او مؤشرات بشريه او تدل
علي الحياة لا بشكل او بآخر فقط - شبه حي -
افقت علي كلمات صديقي العزيز عماد حين قال في صوت مرتفع : ايه يا بو كمال رحت فين ؟؟ شكلك سارح في دنيا تانيه خالص
فالتفت اليه بعين كعيون الاموات فارقت الحياه مع فراقها
ووجه
شاحب كمن استقل قطار الموت بلا رجعه او كمن عاد توا من قبره ...وحاولت
بصعوبه ابتلاع ريقي الذي تحجر كالصوان: تفتكر يا عماد لو ضحكت ..هل تكون
ضحكتي خيانه لذكراها ؟؟
فنظر الي نظرة غير عابئه بما قلت او علي الارجح
بدت لي كذلك من شده دهشته واعتدل في جلسته ثم قال : ابو كمال لازم تفوق من
الي انت فيه ...ضحك ايه وابتسامه ايه الي هتكون خيانه ليها ؟؟ وبعدين هيا
مش سابتك ؟؟ انساها انت كمان زي ما نسيتك ؟؟
فحملقت له بعين دبت فيها
الحياه فجأة واتسعت حدقه عيني من شده غيظي وعصبيتي وقلت في صوت ارتعدت معه
ياقه قميصي وتعابير وجهي : انساها ؟؟ هل تعقل لما تقول ؟؟ شاهنده لم تكن
بمثابه حبيبه فقط لي .. لقد كانت الحياه بأثرها لي بكل ما فيها من معاني
واحاسيس ...
فقاطعني عماد مستطردا : انا اعلم ياصديقي العزيز ولكن علي
الأقل ..حاول ان تعيش حياتك بصورة طبيعيه كما تعيشها هي الآن ...الابتسامه
حق لك واكيد لن تخونها ان ابتسمت ...ولن تعبء - بقهقهتك - حتي
فقلت في خيفة وتوجس : ولكن سيظهر لها اني اعيش حياتي غير عابء برحيلها او مكترث برجوعها ! ...أأقصد ان حاولت معرفة اخباري !
فنهرني
مقاطعا إياي وانااحاول جاهدا ان اهرب من عينيه اللائمتين علي كلامي
وقال في حدة : من قال لك انها ستحاول مجرد المحاوله ان تتبع اخبارك
....أفق مما انت فيه بالله عليك .. وهل الحب يقول انك تعيش في صورة منكسرة
هزيله مهتزة كما انت في حزن جنوني كمن يعيش علي حافه الموت والحياه لا
يستطيع ان يعيش أي منهما .. منتظر يوم ترجع فيه كيوم رحلت فيه ؟؟ هل يرضي
الحب ان تعيش هكذا في حين أنها تعيش حياتها وكأن شيئ لم يكن ؟؟
فنظرت اليه باهتمام وتساؤل وأمئت اليه برأسي ليكمل حديثه فأكمل : اعلم اني لا اعلم كيف تعيش ولكن علي الارجح ...
وصمت
برهة ثم اكمل مستطردا ::انا متيقن من ان من يحب بصدق لا يجرح بهذا الشكل
ولا يترك من أحب لأي سبب مهما كان وان كان حقا لشيئ ان يفرقهما فليكن
الموت او لا يكون بعده شيئ .....!!

فاعتدلت ملامحي وعادت الي طبيعتها بعض الشيئ وكأن كلامه أراحني نوعا ما وذاد جرحي في نفس الوقت كثيرا .....
ساد الصمت الذي مارسناه في ملل قرابه النصف ساعه انتهزت شادية الفرصه ليعلو صوتها في
تليفزيون ( الكوفي شوب ) الذي اعتدنا الجلوس عليه فوق صوت الصمت الذي أطبق
علينا واحتل وجداننا وهمس الشتاء المغير علينا من حولنا ::

وحيات عنيك وفداها عنيا انا بحبك قد عنيا
لا قد روحي لأ لأ شويه
طب قد عمري برضو شويه
حيرتني توهتني
غلبتني وياك كده ليه
نستني كنت هقولك ايه
آآه وحياة عنيك وفداها عنيا
انا بحبك قد عنيا
ولا حد قبلك فات علي قلبي
ولا حد بعدك يملي عنيا
ياعنيا

كانت تغنيها لي حين تغضبني في تللك اللحظات التي كنا نختلسها من الزمان وحياتنا علي كورنيش النيل
وكنت أديرلها ظهري كما كان يفعل رشدي أباظه فكانت تضحك وتستمر في الغناء
ثم نغرق في الضحك سويا حتي تدمع عينانا...

تذكرت كل شيئ مر يداعبني كأنه كان بالأمس فدمعت عيني وارتسمت علي شفتي ابتسامة شبه دامعة هي أيضا
ومنذ ذلك الوقت لم أكف عن الضحك ..الذي يقتلع الدمع من داخلي معه في كل مرة
فلا اضحك دون دمع ولا ابكي دون ضحك

قصة / اسلام فتحي سعد

[/center]

جميل ماكتبت يااسلام
احيك علي هذه القصه الرائعه واسلوبك الرائع
تقبل مروري

رائعه بجد يااسلام

حلوه جدا واسلوبك زى مانت معودنا وزى مانت بتحب سهل وبسيط

اللى عجبنى فعلا ف القصه عمق المشاعر فيها احاسيس عاليه قوى

وكمان عجبنى تجسيد الكائن المعترض اللى جواك اقصد اللى جوه البطل ف القصه
فى صوره شخص تانى

لانه جوه كل شخص فينا فى دايما حد تانى بيرفض يشوفه فى الصوره الضعيفه او المنكسره

دعنى ارفع لك ولبطل قصتك القبعه

برافو

أول الطريق الشائك !! TE14C_C_GoodWork

1 عدد الرسائل : 1108 تاريخ التسجيل : 31/08/2007

شكرا ليكي ياسمسومة رأيك الجميل

جميل يا اسلام

اسلوبك جميل في وصف مشاعر بطل قصتك

1 عدد الرسائل : 1108 تاريخ التسجيل : 31/08/2007

مرسيه ليكي يابووبا مرورك واطرائك

بجد جميله جدا يا اسلام . واسلوبك سهل وبسيط وهو دا اللى بيخلينا نعيش الكلام ونحسه وكمان نصدقه.
تحيه كبيره اوى ليك.ومستنيين منك كتابات تانيه على نفس المستوى الجميل ده.

1 عدد الرسائل : 1108 تاريخ التسجيل : 31/08/2007

اشكرك يامريم ومرسيه ليكي بجد كلامك واطرائك الجميل قوي اتمني ان كتاباتي تنول اعجابك وان الجميع يحس بالمشاعر الدفينه فيها

شكرا ليكي يامريم مرة تانيه

بص بجد مفيش كلمة توصف كلامك دة الكلام بسيط وسهل والناس كلها بتقولة بس عشان يكون جملة واحدة من اللى انت بتكتبهاااااااا معتقدش يحصل
بجد بجد انت مبدع
ربنااااااااا معااااااااااااااااااك

1 عدد الرسائل : 1108 تاريخ التسجيل : 31/08/2007

شكرا بجد يالمياء علي كلامك واطرائك الجميل ده
اخجلتي تواضعي والله