دين ع الموضة

اليوم وفي طريقي للعمل تفاجئت حين رأيت في الميني باص الذي اعتدت ركوبه كل يوم بفتاه في مقتبل العمر ترتدي ملابس ضيقه للغايه مع بنطال جينز ضيق جدا ( طب وايه يعني ما احنا اتعودنا علي كده خلاص ) لالا فهمتوني غلط ماهي دي مبقتش قضيه فعلا خلاص بقي ده العادي والطبيعي ( الله يرحم الاخلاق ).. القضيه بقي في الي كانت بتعمله ...طب وهي كانت بتعمل ايه يعني ...ما احنا كمان عايزين نعرف .. ...هو انت عشان مؤسس حزب بتنجانوليا هتوجع دماغنا ... خلاص ياخونا... هقولكم
البنت دي كانت ماسكه مصحف في ايديها ( شوف التقوي ) لا وايه بتقرأ بترتيل كما ( ياسلام علي الورع )
لا وبصوت مسموع كمان ( ياسيييييييدي)
وصراحه الأمر لا اعلم هل هناك فتوي لقراءة المرأة القرآن بصوت مسموع وبهذا التبرج ( هبقي اسئل عنها شيخ ) أم هناك فتوي لقراءة المرأة القرآن بصوت جهوري في الأماكن العامة اصلا ( فكروني اسئل شيخ غير الشيخ الاولاني يااخونا ) ولأنني كاتب ساخر وليس مفتي فقد قررت منذ اليوم الإطلاع علي أحدث الفتاوي لمعرفة من اين يأتي هؤلاء بمثل هذا الكوكتيل من ( الدين الي ع المزاج ) لمسايرة العصر ..وهههأ سعيده يابو فتوة جديدة

مؤسس حزب بتنجانوليا
الكاتب الساخر/اسلام فتحي سعد