وأنا كمان بضم صوتي لصوت شاهيناز , البنت من حقها تتعلم وتحصل علي أفضل الشهادات كمان وكل تعبها وتعليمها مش هيكون نهايته لو قعدت في البيت ,بالعكس , استثمار ثقافتها وتعليمها لما تكون زوجة مثقفة تعرف تشارك زوجها في كل اللي بيفكر فيه ومايكونش هو في وادي وهي وادي تاني خاالص , حتي لو مجال دراستها بعيد عن مجال دراسته هيكون من السهل عليها علي الأقل تعرف معلوملت عامة عن طبيعة شغله , وتقدر بعقل إنسانة متعلمة ومثقفة تناقشة في أي حاجة بيفكر فيها تخص شغله ومستقبله , والاستثمار الأكبر من ده كمان هو تربية أولادها ومتابعتها لدراستهم , أما عن وقت الفراغ اللي ممكن يكون بيواجهها يالميا , شغل البيت مابيخلصش , يعني مش هتفضل طول اليوم تتزين لجوزها ولا حاجه , هتخلص شغل البيت علي راحتها وبعد كده تتزين لزوجها اللي بيرجع من شغله مرهق وتكون بكامل نشاطها واسترخائها عشان تقدر تخفف عنه عناء اليو , انما لو واحده بتشتغل هترجع مرهقة زيها زيه , ولا في وقت لا لتزين ولا لغيره , ويحمد ربنا لو عرفت توفق بين مواعيد شغلها وتلاقي وقت لشغل البيت و تربية الأولاد , اللي غالباً بيكونوا هم ضحية انشغال الآباء عنهم في أعمالهم ومابيلاقوش حد يوجههم أو حتي يسمع منهم كلمة لانهم الاتنين مرهقين وعلي اخرهم مش ناقصين كلمة أو سؤال من حد من الولاد ...
يمكن بنوته ترد عليا وتقوللي ان الست مش خدامة عشان تعد للرجل بعياله تربيهمله , هسألها سؤال واحد بس " هم مش برضو عيالك انت كمان , ومن حقهم عليكي انك تراعيهم وماتسيبيش الدنيا تاخدك منهم او من باباهم ويتربوا في جو أسري كله مشاكل وعدم استقرار؟؟" ...
أنا في رأيي إن ده دور المرأة اللي اتخلقت عشانه , انها تكون أسرة وتربي جيل صالح , وده دور مش قليل عشان تحس ان تحقيق ذاتها مش فيه وفي شغل مهما عاد عليها بمكانات أو دخل كبير عمره ماهيعوضعها عن اللي ممكن تخسره في حياتها الأسرية بسببه , وحتي لو دخلها أكبر من دخل زوجها ودي رغبته انها ماتشتغلش بعد الزواج تعيش حياة سعيدة بمرتب بسيط أفضل ألف مرة من انهم يفضلوا طول عمرهم بيجروا ورا الفلوس وينسوا نفسهم وحياتهم وولادهم .. لأ سؤال أخير كمان معلش , ليه واحد بيقول لمراته انه خايف علي تعبها ومش عاوزها تشتغل بره وجوه البيت وتخسر صحتها وجمالها وهي اللي عاوزه تتعب نفسها !! لا تعلييييييييق