النـــــــــــــــــــــــــــــــــــدي كــــــــــــــــافيــــــــــه

البيت بيتك والمشاريب علينا
 
الرئيسيةس .و .جبحـثالتسجيلقائمة الاعضاءالمجموعاتدخول
شاطر | 
 

 اشعار صلاح جاهين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
البلياتش
زائر



مُساهمةموضوع: اشعار صلاح جاهين   الأحد سبتمبر 23, 2007 2:07 am

صلاح جاهين :
ولد صلاح جاهين فى 25 / 12 / 1930 م بحى بشبرا فى شارع جميل باشا. وصلاح جاهين هو الأكبر بين إخوته.
والده المستشار بهجت حلمى الذى تدرج فى السلك القضائى بدءً من وكيل نيابة حتى عُين رئيساً لمحكمة استئناف المنصورة.
كانت ولادة صلاح جاهين متعثرة تعرضت أثنائها والدته للخطر، فوُلد شديد الزرقة دون صرخة حتى ظن المحيطون أن الطفل قد ولد ميتاً، ولكن جاءت صرخة الطفل منبهة بولادة طفل ليس ككل الأطفال.
وكانت لهذه الولادة المتعثرة تأثيرها، فمن المعروف أن الولادة المتعثرة تترك آثارها على الطفل فتلازمه طول حياته وقد تتسبب فى عدم استقرار الحالة المزاجية أو الحدة فى التعبير عن المشاعر - سواء كانت فرحاً أو حزناً، وهو ما لوحظ فى صلاح جاهين الذى يفرح كالأطفال ويحزن لدرجة الاكتئاب عند المصائب.
استطاع صلاح جاهين ببساطته وتلقائيته التعبير عن كل ما يشغل البسطاء بأسلوب يسهل فهمهه واستيعابه، وهو ما جعله فارساً يحلق برسومه وكلماته ويطوف بها بين مختلف طبقات الشعب المصرى، بل كانت جواز سفره لمختلف البلدان العربية التى رددت كلماته حَفْزاً للعمل والانجاز.

من رباعيات صلاح جاهين :

خرج ابن آدم من العدم قلت : ياه

رجع ابن آدم للعدم قلت : ياه

تراب بيحيا ... وحي بيصير تراب

الأصل هو الموت و الا الحياه ؟

عجبي !!!



ضريح رخام فيه السعيد اندفن

و حفره فيها الشريد من غير كفن

مريت عليهم .. قلت يا للعجب

لاتنين ريحتهم لها نفس العفن

عجبي !!!



ياما صادفت صحاب و ما صاحبتهمش

و كاسات خمور و شراب و ما شربتهمش

أندم علي الفرص اللي انا سبتهم

و الا علي الفرص اللي ما سبتهمش

عجبي !!



و الكون ده كيف موجود من غير حدود

و فيه عقارب ليه و تعابين ودود

عالم مجرب فات و قال سلامات

ده ياما فيه سؤالات من غير ردود

عجبي !!!



أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!



يا باب يا مقفول ... إمتي الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول

عجبي !!!
الرجوع الى أعلى الصفحة اذهب الى الأسفل
رقة الند
زائر



مُساهمةموضوع: رد: اشعار صلاح جاهين   الثلاثاء سبتمبر 25, 2007 9:48 pm

احسنت الاختيار بلياتشو كمل يا عسل عايزين نشوف كل اشعاره هنا عندك
الرجوع الى أعلى الصفحة اذهب الى الأسفل
بسمه



عدد الرسائل: 303
العمر: 26
تاريخ التسجيل: 01/09/2007

مُساهمةموضوع: رد: اشعار صلاح جاهين   الخميس سبتمبر 27, 2007 7:07 am

جمييييل با بليتشو , في انتظار المزييد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
البلياتش
زائر



مُساهمةموضوع: رد: اشعار صلاح جاهين   الخميس سبتمبر 27, 2007 12:30 pm


الفيلسوف قاعد يفكر سيبوه

لا تعملوه سلطان و لا تصلبوه

ما تعرفوش إن الفلاسفه يا هوه

اللي يقولوه بيرجعوا يكدبوه

عجبي !!!



علي بعد مليون ميل من أرضنا

من الفراغ الكوني بصيت أنا

لا شفت فرق بين جبال و بحور

و لا شفت فرق ما بين عذاب أو هنا

عجبي !!



إنسان أيا إنسان ما أجهلك

ما أتفهك في الكون و ما أضألك

شمس وقمر و سدوم و ملايين نجوم

و فاكرها يا موهوم مخلوقه لك

عجبي !!



نظرت فوق للنجوم و انا ساير

رجليا عترت في الحفر و الحجاير

بقيت أقول و انا ع التراب: يا سلام

مش بس عبره أخذت لكن عباير

عجبي !!!



- يا نجم .. نورك ليه كده بيرتجف ؟

هو انت قنديل زيت ؟ أو تختلف

- أنا نجم عالي .. بس عالي قوي

و كل ما انظر تحت اخاف انحدف

عجبي !!!!



السم لو كان في الدوا منين يضر ؟

و الموت لو عدونا .. منين يسر؟

حط القلم في الحبر و اكتب كمان

.. و العبد للشهوات .. منين هو حر؟

عجبي !!!

الرجوع الى أعلى الصفحة اذهب الى الأسفل
البلياتش
زائر



مُساهمةموضوع: رد: اشعار صلاح جاهين   السبت سبتمبر 29, 2007 12:45 pm

وقفت بين شطين علي قنطــــــــــــــــــرة

الكدب فين و الصدق فيـــــــــــن يا تري

محتار ح اموت .. الحوت خرج لي وقالي

هو الكلام يتقــــــــــــاس بالمســـــــــــطرة

عجبي !!!



سرداب في مستشفي الولاده طويل

صرخات عذاب ورا كل باب وعويل

.. وفي الطــــــريق متزوقين البنات

متزوقـــــــــــــين للحب و المواويل

عجبي !!



الدنيا أوده كـــــــــــبيره للانتظار

فيها ابن أدم زيه زي الحـــــــمار

الهم واحد .. و الملل مشــــــترك

و مفيش حمار بيحاول الانتـــــحار

عجبي !!



أيوب رماه البين بكل العـــــــــلل

سبع سنين مرضان وعنده شلل

الصــــبر طيب .. صبر أيوب شفاه

بس الأكـــــــــاده مات بفعل الملل

عجبي !!!



نسمة ربيع لكن بتكوي الوشـــــــوش

طيور جميلة بس من غير عشـــوش

قلوب بتخفق إنما وحـــــــــــــــــدها

هي الحياه كده .. كلها في الفاشوش

عجبي !!!!



يا طير يا عالي في الســــــما طظ فيك

ما تفتكرشي ربنا مصطــــــــــــــــفيك

برضـــــــــــك بتاكل دود و للطين تعًًًًودً

تمـــــــــص فيه يا حلو .. و يمص فيك

عجبي !!!
الرجوع الى أعلى الصفحة اذهب الى الأسفل
القلب الطيب



انثى عدد الرسائل: 66
العمر: 26
الموقع: الندى كافيه
تاريخ التسجيل: 26/09/2007

مُساهمةموضوع: رد: اشعار صلاح جاهين   السبت سبتمبر 29, 2007 5:25 pm

حلووووووووو اوى
عاوز تشرب ايه المرة دى
امرك يا شاعر زمانك اخنياراتك حلوة اوى
بالاخص صلاح جاهين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
البلياتش
زائر



مُساهمةموضوع: رد: اشعار صلاح جاهين   السبت سبتمبر 29, 2007 8:41 pm

مرسي ليكي ياقلب وعايز كانزين بيبسي
الرجوع الى أعلى الصفحة اذهب الى الأسفل
البلياتش
زائر



مُساهمةموضوع: رد: اشعار صلاح جاهين   السبت سبتمبر 29, 2007 8:42 pm

مرسي ليكي يانين متشربي كانز احسن ههههههه
الرجوع الى أعلى الصفحة اذهب الى الأسفل
migo
زائر



مُساهمةموضوع: رد: اشعار صلاح جاهين   السبت سبتمبر 29, 2007 11:17 pm

برافو يا بلياتشو انك نشرت لصلاح جاهين

وموفق دايما يا رب
الرجوع الى أعلى الصفحة اذهب الى الأسفل
البلياتش
زائر



مُساهمةموضوع: رد: اشعار صلاح جاهين   السبت سبتمبر 29, 2007 11:20 pm

شكرا ليك يا ميجو علي مرورك
الرجوع الى أعلى الصفحة اذهب الى الأسفل
البلياتش
زائر



مُساهمةموضوع: رد: اشعار صلاح جاهين   السبت سبتمبر 29, 2007 11:29 pm


انا الذي عمري اشتياق في اشتيـــاق

و قطر داخل في محطة الـــــــــفراق

قصدت نبع السم وشربت ســـــــــم

من كتر شوقي وعشمي في التريـــاق

عجبي !!!



انا الذي عشت الزمن مضيعـــــــــه

بروح حزينة معفنة مضعضعــــــه

زرعتشجرة سنط لجل انجــــــرح

لقتها شعر البنت و مفرعــــــــــــه

عجبي !!



لو فيه سلام في الأرض وطمان و أمن

لو كان مفيش و لا فقر و لا خوف جبن

لو يملك الانسان مصير كل شـــــــــــئ

انا كنت اجيب للدنيا ميت ألف ابــــــــــن

عجبي !!



العشب طاطا للنسايم و نـــــــــــــــــــــخ

أخضر طري مالهش في الحســـــــن أخ

عصفور عبيط انا .. غاوي بهجه و غنا

ح انزلهنا.. و انشا لله يهبرني فــــــــخ

عجبي !!!



أوصيك يابني بالقمر و الزهـــــــــــــور

أوصيك بليل القاهرة المسحـــــــــــــور

و إن جيت في بالك .. إشتري عقد فل

لأي سمرا.. وقبري إوعك تـــــــــزور

عجبي !!!!



غمض عينيك و ارقص بخفة و دلع

الدنيا هي الشابة و انت الــــــــجدع

تشوف رشاقة خطوتك تعبــــــــدك

لكن انت لو بصيت لرجليك ....تـقع

عجبي !!!
الرجوع الى أعلى الصفحة اذهب الى الأسفل
pagera
زائر



مُساهمةموضوع: رد: اشعار صلاح جاهين   الأحد سبتمبر 30, 2007 11:07 pm

مش عارف اقولك ايه يا بليتشو حرام عليك

ابوس ايدك هات لصلاح جاهين اكتر و اكتر و اكتر

اعمل فيك ايه

لما اشوفك
الرجوع الى أعلى الصفحة اذهب الى الأسفل
البلياتش
زائر



مُساهمةموضوع: رد: اشعار صلاح جاهين   الأحد سبتمبر 30, 2007 11:09 pm

ماشي ياباجيرا لما اشوفك بكرة
وهنزل الباقي
الرجوع الى أعلى الصفحة اذهب الى الأسفل
البلياتش
زائر



مُساهمةموضوع: رد: اشعار صلاح جاهين   الأحد سبتمبر 30, 2007 11:20 pm


حاسب من الاحزان و حاســـــــب لها

حاسب علي رقابيك من حبلـــــــــــها

راح تنتهي و لابد راح تنتهــــــــــي

مش انتهت أحزان من قبلهــــــــــا؟

عجبي !!!



يأسك و صبرك بين إيديك و انت حر

تيأس ما تيأس الحياه راح تــــــــمر

أنا دقت مندا ومندا عجبي لقيــــــت

الصبر مر و برضك اليـأس مـــــــر

عجبي !!



ولدي نصحتك لما صوتي اتنبــــــــــــح

ما تخفش من جني و لا من شبـــــــــح

و ان هب فيك عفريت قتيل إسألـــــــــه

ما دافعش ليه عن نفسه يوم ما اندبح

عجبي !!



ولدي إليك بدل البالون ميت بالــــــون

انفخ وطرقع فيه علي كل لـــــــــــون

عساك تشوف بعينك مصيرالرجــــــال

المنفوخين في السترة و البنطلـــــون

عجبي !!!



خوض معركتها زي جدك ما خــــاض

صالب و قالب شفتك بامتـــــــــــعاض

هي كده...ما تنولش منها الأمـــــــل

غير بعض صد ورد ووجاع مخاض

عجبي !!!!



كام اشتغلت يا نيل في نحت الصخور

مليون بئونه و الف مليون هاــــتور

يا نيل أنا ابن حلال و من خلفتــــــك

و ليه صعيبه علي بس الأمــــــــور

عجبي !!!
الرجوع الى أعلى الصفحة اذهب الى الأسفل
pagera
زائر



مُساهمةموضوع: رد: اشعار صلاح جاهين   الأحد سبتمبر 30, 2007 11:28 pm

يا سيدى مسى تعبت حسى

يا سلام لله عليك يا بليتشو يا جامد

لما اشوفك بكره ماشى
الرجوع الى أعلى الصفحة اذهب الى الأسفل
البلياتش
زائر



مُساهمةموضوع: رد: اشعار صلاح جاهين   الأحد سبتمبر 30, 2007 11:30 pm

شكرا ليك يابجيرة
وانا مستني
الرجوع الى أعلى الصفحة اذهب الى الأسفل
رقة الند
زائر



مُساهمةموضوع: رد: اشعار صلاح جاهين   الإثنين أكتوبر 01, 2007 10:13 am

دايما زوق فى اختياراتك
تماااااااااااام
فى انتظار المزيد
الرجوع الى أعلى الصفحة اذهب الى الأسفل
البلياتش
زائر



مُساهمةموضوع: رد: اشعار صلاح جاهين   الإثنين أكتوبر 01, 2007 12:11 pm

شكرا ليكي يا رفعة معنوياتي
الرجوع الى أعلى الصفحة اذهب الى الأسفل
البلياتش
زائر



مُساهمةموضوع: رد: اشعار صلاح جاهين   الإثنين أكتوبر 01, 2007 1:02 pm


ما آنتاش بتلعب ليه يا روح بابــــا ؟

و لا عسكري و لا لص في عصابة ؟

إلعب أسد أو ديب رهيب أو غـــــزال

دي الدنيا في نهاية المطاف غابـــــة

عجبي !!!



ورد في ورق سلوفان يا حلوة اهديلك ؟

و الا انقله بالطين في الشتلة و اجيلـــــك

الأولاني لو وحا بحنــــــــــــــــــــــانــي

عجبي علي التاني بإيــــــــه يوحيلــــــــك



عجبي !!



أنا قلبي كوكب و انطلق في المدار

حواليكي يا محبوبتي يا نور ونـــار

يلف مهمــــا يلف ما بيكتفــــــفيش

وتمللي نصه ليل و نصه نهــــــــار

عجبي !!



الأرض شوك أيوه لكين هايش

و الحمرة مش يعني الطريق حايش

دي دمنا السيال .. وبشرة خيـــــــر

ان انتي عايشة و ان كنت أنا عايــش

عجبي !!!



إيه اللي خدته من مرور السنــــــين

يا قلبي الا دمعتك و النيــــــــــــــين

بتئن و ترجع و بتفرح و ترجع تحــن

مع إن مش كل البشـــــــــــر فرحانين

عجبي !!!!



اوقات أفوق و يحل عني غبــــــــــايا

واشعر كأني فهمت كل الخبايـــــــــــا

و افتح شفايفي علشــــــان اقول الدرر

ما أقولش غير حبة غزل في الصبايــــا

عجبي !!!
الرجوع الى أعلى الصفحة اذهب الى الأسفل
آنين الب
زائر



مُساهمةموضوع: رد: اشعار صلاح جاهين   الإثنين أكتوبر 01, 2007 6:22 pm

جميل جدا يا بلياتشو اختيارتك بجد
الرجوع الى أعلى الصفحة اذهب الى الأسفل
البلياتش
زائر



مُساهمةموضوع: رد: اشعار صلاح جاهين   الإثنين أكتوبر 01, 2007 8:31 pm

شكرا ليكي يانين
الرجوع الى أعلى الصفحة اذهب الى الأسفل
سيد الظل
زائر



مُساهمةموضوع: رد: اشعار صلاح جاهين   الأربعاء أكتوبر 03, 2007 12:52 am

الله يابلياتشو
الرجوع الى أعلى الصفحة اذهب الى الأسفل
أسيرة ال
زائر



مُساهمةموضوع: رد: اشعار صلاح جاهين   الأربعاء أكتوبر 03, 2007 9:33 pm

أكثر من رااااااااااااااااااااااااااااااااااائع

الله يرحمك يا جاهين

والف شكر ليك يا بلياتشو وهل من مزيد
الرجوع الى أعلى الصفحة اذهب الى الأسفل
البلياتش
زائر



مُساهمةموضوع: رد: اشعار صلاح جاهين   الأربعاء أكتوبر 03, 2007 10:32 pm

اكيد انشاء الله ياشاهي
الرجوع الى أعلى الصفحة اذهب الى الأسفل
البلياتش
زائر



مُساهمةموضوع: رد: اشعار صلاح جاهين   الجمعة أكتوبر 05, 2007 12:35 am

يا ملونين البيض في شم النسيـــــم

لون الحنين و الشوق و خمر النديم

ما تعرفوش سايق عليكو النبــــــي

تلونوا الأيام بلون النعيــــــــــــــم ؟

عجبي!!



الدنيا صندوق دنيا .. دور بعــــد دور

الدكة هي .. و هي كل الديكـــــــــور

يمشي اللي شاف ويسيب لغيره مكان

كان عربجي أو كان امبراطــــــــور

عجبي !



قطي العزيز راقد علي الكنبــــــات

في نوم لذيذ .. و بيلحس الشنبات

و انا كل عين فنجان مدلدق قلــق

صدق اللي قال إن الحياة منابات

عجبي !!



قالوا السياسة مهلكة بشكل عـــــــــــام

و بحورها يا بني خشنة مش ريش نعام

غوص فيها تلقي الغرقانين كلهــــــــــم

شايلين غنايم .. و الخفيف اللي عـــــام

عجبي !!!



سلام سلام سلام سلام ... سلام

كلام كلام كلام كلام ... كلام

هز الورق يا صاحبي كدهــــوه

يطلع كلام سلام .. و سلام كلام

عجبي !!!!



فوق تحت . ورا قدام . يمين شمـــال

في الجو . تحت الميه . أو في الرمال

طلب الكمال يحرم علي الممـــــــــكن

و الممكنات دول محرومين م الكمال

عجبي !!!

الرجوع الى أعلى الصفحة اذهب الى الأسفل
البلياتش
زائر



مُساهمةموضوع: رد: اشعار صلاح جاهين   الإثنين أكتوبر 08, 2007 11:18 pm


هات يا زمان و هات كمان يا زمان

غير بسمة الشجعان مامني يــــبان

هو اللي داق الفرحة يوم ثورتـــــه

يقدر يعود و لا ثانية للأحــــــزان ؟

عجبي!!



عبثا باقول واقرا في سورة عبس

ماتلومش حد إن ابتسم أو عبس

فيه ناس تقول الهزل يطلع جــــد

و ناس تقول الجد يطلع عبـــــث

عجبي !



يومي علي الله تنتهي و تغيــــب

الشمس و تعود تاني يوم لهاليب

زي الحياة مأساه و من كترهــــا

بقي لا انتهاءها و ابتداءها عجيب

عجبي !!



علم اللوع اضخم كتـــــــــاب في الأرض

بس اللي يغلط فيه يجيـــــــــبــه الأرض

أما الصراحة فأمرها ســـــــــــــــــاهل

لكن لا تجلب المال و لا تصون العرض

عجبي !!!



أنا كان لي أب . و كان رئيس محكـــمه

ستين سنة .. في قضية واحدة أترمي

ستين سنة و طلع براءة و خــــــــرج

يشكي الحياة و الموت لرب السمـــــا

عجبي !!!!



قالوا ابن آدم روح و بدنه كفـــــــــــن

قالوا لأ بدن . قالوا لأ ده روح في بدن

رفرف فؤادي مع الرايات في الهــــــوا

أنا قلت لأ روح في بدن في وطــــــــن

عجبي !!!
الرجوع الى أعلى الصفحة اذهب الى الأسفل
رقة الند
زائر



مُساهمةموضوع: رد: اشعار صلاح جاهين   الأربعاء أكتوبر 10, 2007 8:01 pm

متتريقش يا بلياتشو على اللى هكتبه اوكى
عينى عليك ياعم جاهين
اخر حلاوة واخر جمال
كل الدنيا بتحييك وتقولك اخر تمام
هنفضل نتعلم منك ومهما نقول دايما نتمنى نوصلك
دا انتا ياعم قاموس
كلامك حكم واشعارك شفى يهدى النفوس
الله عليك يا صلاح ليك فى كل حاجه شقاوة وحب وسياسه
عشت زمانك وزمنا وكلامك هيعيش للاجيال الجايه
بهدى لروحك احلى تحيه
وبقولك لو كنت ويانا كنت ياما تعترض على دنيانا كنا هنسمع منك كتيررررررررر
كنت هتقول راح فين الضمير وليه العمر مابيقفش عند مولنا الرئيس دا حتى لو مات يا صلاح جاى وراه التقيل
يلا خلينا سكتين
ولو مكانك هختار مكانك
والله عايش فى امااااااااان
الله عليك يا عم جاهين







عاشقه كلامه واشعاره
الرجوع الى أعلى الصفحة اذهب الى الأسفل
البلياتش
زائر



مُساهمةموضوع: رد: اشعار صلاح جاهين   الأربعاء أكتوبر 10, 2007 8:06 pm

هههههههههه
والله جامدة جدا يارقة
الرجوع الى أعلى الصفحة اذهب الى الأسفل
آنين الب
زائر



مُساهمةموضوع: رد: اشعار صلاح جاهين   الخميس أكتوبر 11, 2007 5:35 pm

ههههههههههه
ايه الجمال ده
شكرا يا بلياتشو بجد اختياراتك تحفه
وكويس خليت رقه تقول وتقول
الرجوع الى أعلى الصفحة اذهب الى الأسفل
البلياتش
زائر



مُساهمةموضوع: رد: اشعار صلاح جاهين   الأحد أكتوبر 14, 2007 10:49 pm

شكرا ليكي يانين
الرجوع الى أعلى الصفحة اذهب الى الأسفل
أسيرة ال
زائر



مُساهمةموضوع: رد: اشعار صلاح جاهين   الإثنين أكتوبر 15, 2007 8:55 pm

بجد بشكرك بشده يا بلياتشو
الرجوع الى أعلى الصفحة اذهب الى الأسفل
pagera
زائر



مُساهمةموضوع: رد: اشعار صلاح جاهين   الثلاثاء أكتوبر 16, 2007 3:49 am

لله لله عليك يا بلياتشو
الرجوع الى أعلى الصفحة اذهب الى الأسفل
رقة الند
زائر



مُساهمةموضوع: رد: اشعار صلاح جاهين   الثلاثاء أكتوبر 16, 2007 2:47 pm

ايه يا بلياتشو هما دول بس كل اشعار وكلام جاهين
فين الباقى يا عسل
الرجوع الى أعلى الصفحة اذهب الى الأسفل
البلياتش
زائر



مُساهمةموضوع: رد: اشعار صلاح جاهين   الثلاثاء أكتوبر 16, 2007 3:17 pm

شكرا ليكي ياشاهي
الرجوع الى أعلى الصفحة اذهب الى الأسفل
البلياتش
زائر



مُساهمةموضوع: رد: اشعار صلاح جاهين   الثلاثاء أكتوبر 16, 2007 3:17 pm

شكرا ليك يابجيرا
الرجوع الى أعلى الصفحة اذهب الى الأسفل
البلياتش
زائر



مُساهمةموضوع: رد: اشعار صلاح جاهين   الثلاثاء أكتوبر 16, 2007 3:17 pm

لا عنية الاتنين يارقة
الرجوع الى أعلى الصفحة اذهب الى الأسفل
البلياتش
زائر



مُساهمةموضوع: رد: اشعار صلاح جاهين   الثلاثاء أكتوبر 16, 2007 3:21 pm


مزيكة هادية الكون فيها انغـــــمر

وصيف و ليل و عقد فل و سمر

يا هلتري الناس كلهم مبسوطين

و يا هلتري شايفين جمال القمر ؟

عجبي!!



إنشد يا قلبي غنوتك للجمــــــــــــــــــال

و ارقص في صدري من اليمين للشمال

ما هوش بعيد تفضل لبكره سعيــــــــــد

ده كل يوم فيه الف الف احتمـــــــــــــال

عجبي !!



آه لو انا و محبوب جزنا الفضـــــا

في سفينة وحدينا .. واشيا رضـــا

ساعة صفا تعجبنا نرجع لهــــــــــا

و الهم قبل ما ييجي .. يبقي مضـى

عجبي !!



أنا إله الوجد رب الهيــــــــــــــــام

أضرب بسهم الوهم وهم الغـــــرام

و هم الغرام من كتر ما هو لذيـــــذ

رشقت انا ف صدري جميع السهام

عجبي !!!



حدوته عن جعران و عن خنفســــــــــه

اتقابلوا حوا بعض ساعة مســـــــــــــــا

و لا قال لهم حد اختشوا عيب حـــــرام

و لا حد قال دي علاقة متدنســــــــــــــة

عجبي !!!!



ياللي عرفت الحب يوم و انطــــــــــــوي

حسك تقال مشتاق لنبع الهـــــــــــــــوي

حسك تقول مشتاق لنبع الغــــــــــــــــرام

ده الحب .. مين داق منه قطره...ارتوي

عجبي !!!
الرجوع الى أعلى الصفحة اذهب الى الأسفل
آنين الب
زائر



مُساهمةموضوع: رد: اشعار صلاح جاهين   الثلاثاء أكتوبر 16, 2007 5:51 pm

جميل جدا يا بلياتشو بجد
الرجوع الى أعلى الصفحة اذهب الى الأسفل
البلياتش
زائر



مُساهمةموضوع: رد: اشعار صلاح جاهين   الثلاثاء أكتوبر 16, 2007 8:19 pm

شكرا ليكي ياانين
الرجوع الى أعلى الصفحة اذهب الى الأسفل
سيد الظل
زائر



مُساهمةموضوع: رد: اشعار صلاح جاهين   الأربعاء أكتوبر 17, 2007 12:19 am

احسنت الاختيار يابلياتشو
الرجوع الى أعلى الصفحة اذهب الى الأسفل
اسلام سعد الدين
1
1


ذكر عدد الرسائل: 1108
تاريخ التسجيل: 01/09/2007

مُساهمةموضوع: رد: اشعار صلاح جاهين   السبت أكتوبر 20, 2007 6:36 pm

والله مع ان الموضوع ده فكرتي بس يلا عيشو ياال الندي كافيه

كانز يانوووووووووووووووووووووووووووور للكل




_________________
اللهم لا تحييني إلا حياة كحياة صحابة نبيك ولا تُمتني إلا علي إلا شهيدا في سبيلك



[b]تابعو مقالاتي علي مدونتي الشخصية ( مفروس افندي متغاظ )

http://mafroosafandymtghaz.maktoobblog.com/
ومجلة أهم الأحداث الأسبوعية ( تصدر الخميس من كل اسبوع )
http://soltanel3tor.maktoobblog.com/
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elnada.ahlamontada.com
LOLO 52
مشرفة مميزة
مشرفة مميزة


انثى عدد الرسائل: 1255
العمر: 24
الموقع: القاهرة
العمل/الترفيه: عااااااااااطل لحد بداية الدراسة
تاريخ التسجيل: 02/09/2007

مُساهمةموضوع: رد: اشعار صلاح جاهين   السبت أكتوبر 20, 2007 6:38 pm

بالرك الله فيك
انا فعلا كنت لسة هطلب كانز
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
البلياتش
زائر



مُساهمةموضوع: رد: اشعار صلاح جاهين   الأحد أكتوبر 21, 2007 7:59 pm

(على اسم مصر)

من أهم أشعار جاهين رائعة (على اسم مصر)
على اسم مصر
الجزء الأول
النخل في العالي والنيل ماشي طوالي
مع***ة فيه الصـور .. مقلوبة وانا مالي
يا ولاد أنا ف حالي زي النقش في العواميد
زي الهلال اللي فوق مدنة بنوها عبيد
وزي باقي العبيد باجري على عيالي
باجري وخطوي وئيد من تقل أحمالي
محنيه قامتي .. وهامتي كأن فيها حديد
وعينيا رمل العريش فيها وملح رشيد
كني بافتحها زي اللي اتولدت من جديد
على اسم مصر
مصر .. التلات أحرف الساكنة اللي شاحنة ضجيج
زوم الهوا وطقش موج البحر لما يهيج
وعجيج حوافر خيول بتجر زغروطة
حزمة نغم صعب داخلة مسامعي مقروطة
في مسامي مضغوطه مع دمي لها تعاريج
ترع وقنوات سقت من جسمي كل نسيج
وجميع خيوط النسيج على نبرة مربوطة
اسمعها مهموسة والا اسمعها مشخوطه
شبكة رادار قلبي جوه ضلوعي مضبوطة
على اسم مصر
وترن من تاني نفس النبرة في وداني
ومؤشر الفرحة يتحرك في وجداني
وأغاني واحشاني باتذكرها ما لهاش عد
فيه شيء حصل أو بيحصل أوح يحصل جد
أو ربما الأمر حالة وجد واخداني
انا اللي ياما الهوى جابني ووداني
وكلام على لساني جاني لابد اقوله لحد
القمح ليه إسمه قمح اليوم وأمس وغد
ومصر يحرم عليها .. والجدال يشتد
على اسم مصر
ولما زماني رماني عليل
نسيت كل شيء عن حبيبي الجميل
لكن هو أبداً
انا مانساهوش
نسيت مشيته وصوته كان شكله إيه
ورسمة شفايفه
ولمسة إيديه
نسيت نظراته
نسيت لون عينيه
وقوس الحواجب وسهم الرموش
لكن هو أبداً
انا ما انساهوش
نسيت إسمه وحكايته وعرفته فين
وعشنا سوى العمر
والا يومين
وكان م البشر
والا طير بجناحين
نسيت حتى كان له وجود أو مالوش
لكين هو أبداً
أنا ما انساهوش
قطعوا الأغاني وطارت نشرة الأخبار
دارت على كل دار في الكوكب الدوار
يا حاضرين اعلموا الغايبين بأنه في مصر
اتغير الاسم منذ الآن فأصبح .. مصر
ضحك التاريخ ضحكته المشهور بها واندار
ودخل مناقشة مع الجغرافيا عما صار
هل نعترف بالبيان اللي أذيع العصر
أم ننتظر مصر تطرد اسرائيل بالقسر
وساعتها تحصل بكل جدارة يوم النصر
على اسم مصر

على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلقيني جنبها في الكرب
والنبض ينفض عروقي بألف نغمة وضرب
على اسم مصر

مصر النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
على اسم مصر

مصر السما الفزدقي وعصافير معدية
والقلة مملية ع الشباك .. مندية
والجد قاعد مربع يقرا في الجرنال
الكاتب المصري ذاته مندمج في مقال
ومصر قدامه اكتر كلمة مقرية
قريتها من قبل ما اكتب اسمي بإيديا
ورسمتها في الخيال على أبدع الأشكال
ونزلت أيام صبايا طفت كل مجال
زي المنادي وفؤادي يرتجف بجلال
على اسم مصر

رحـيـلاً رحـيـلاً بغيـر هـوادة
رحـيلاً فإن الـرحـيل سعـادة
عبادة
إرادة
سيادة
ولادة
رحـيـلا .. إلى أين لـيس يـهـم
ولـيس يـهـم بأي وسيـلة ..
أجيـراً بلقمـتـه في البـواخـر ..
عـلى واحـد من جيـاد القبيلة ..
على مقعـد في ذرى الجـو فـاخـر
وتمـلأ الكـأس بنت جمـيلة ..
على قدمي .. أو بفكري .. أهاجر
أبادر
أغادر
أخاطر
أسافر
ولـكـن إلى أيـن .. لـيس يـهـم
إلى حيث لا تعبـر الأفـق شمس
إلى القـطب .. أو حلقة الاستواء ..
إلى حـيث يـسمـع لـلجـن همس
إلى بـاطـن الأرض أو في الـفضـاء
إلى مـرفـأ الغـد .. أو أرض أمس
أرى كل شيء ومن أين جاء
وافعل ما قاله القدماء
من الفقراء
أو الحكماء
أو الأمراء
أو الأشقياء أو البلهاء فليس يهم
لقد قيل وهو الكلام المهم
اللي يعيش ياما يشوف
واللي يمشي يشوف اكتر
شفت الجبرتي بحرافيش الحسين وبولاق
بان البلد ماشي زي النمس في الأسواق
بالفلاحين ع المداخل من بعيد وقريب
بالأرنؤوط بالشراكسة بكل صنف عجيب
مترصصين سور رهيب مزراق في ريح مزراق
كأنهم لا بشـر ولا خلقـة الخـلاق
ومصر فلاحة تزرق بين رقيب ورقيب
من غير أبو الهول ما ينهض ناهضة شايله حليب
والصبح بدري الجبرتي ينام وقلمه يسيب
على اسم مصر

مصر اللي عمر الجبرتي لم عرف لها عمر
وطلع لقاها مكان مليان عوام وزعر
جعيدية غوغاء يجيبوا تملي وجع الراس
وخليط أفارقه هنادوة روم ملل أجناس
والترك في القلعة والمماليك خدودهم حمر
كان عمرها ستلاف سنة .. كلها سنين خضر
بس الزمان يختلف زي اختلاف الناس
ناس تبني مجد وحضارة وناس بلا احساس
وناس تنام لما يزحف موكب الأحداث
على اسم مصر

أنا اللي اسمي حتحـور .. أنا بنت رع
مثـال الأمـومـة ورمـز الحـنـان
تفـيض حـلمـاتي وتمـلا الـتـرع
وتسـقـي البـشـر كلهـم والغـيـطان
أنـا ربـة الحـب حتـحـور أنـا
أنـا السيـدة المـنـجدة المـغـرميـن
وكـم مـن محـب ف هـواه انـضـنى
دعـاني وطيـبـت خـاطـره الحـزيـن
أنـا طـيبـة انمـا طـبـعي صـعـب
وديعـه .. ولـو ثـرت بـطشـي مـهـول
ما اشـوفش اللي قدامي لو ألف شعب
أدوسـهـم وتجـري دمـاهـم سيـول
ويـوم رع ما فـات بسنـاه في السـما
وكل العيـون خايفـة تنـظر اليـه
وجـالـه القمـر خلقتـه معتـمة
وعـدى قصـاده .. وضـلم عـليه
يا ويـل الـلي فتـح في ابـويا العـظيم
يا ويل من تطاول يا ويل من ضحك
يا ويـلك يا مصـر مصيرك الـيم
أنا اللي اسمي حتحور انا ح امسحك
يحـاول يهـديني رع ما اسمـعـوش
وادمـر واطـيـح في البلاد والعبـاد
أنـا الـطيبـه .. كنت زي الوحـوش
سفـكـت دماء البـنـات والـولاد
دبـحت المحبـين في عـز القبـل
هـدمت المعابد على المنشدين
قلبت على النحـاتين الجبل
حرقت الغيـطان هم والفلاحين
لحد ما رع نـادى ع الآلهة
وقال صـبوا في النهر كل النبيذ
وشفت الميـاه حمرا ومزهزهة
وظنيتها دم الضحايا الـلذيذ
شربت انتقامـاً شربـت شربـت
وأنا بالـعن المفتـري والغبـي
وحبـة بحبـة عن الوعـي غبت
ونمت على النيل في ضي أبي
وقمت .. بكيت من فؤاد أم ثكلى
ونهنهت فوق صدر مصر العريض
على العالم المبدورين جنبي قتـلى
وكان دمعي ينصب في النيـل يفيض
واقول ليه يا مصـر ولادك كـده
يا إمـا المذله يا يتـجبـروا
يا خوفـي يا فـرحة قـلوب الـعدا
ويا نـدمـي لو ما يتغيـروا
ومن يـومها والنيـل في نفس المعاد
يفيض كل عام قبل فصل الخـريف
بلون حمرة الـدم يملا البلاد
ويملا النسـأيـم بعـطر مخـيف
بعطري أنا الـلي اسمي حتحور أنـا
وعـطري مخـيف وحـنون وطـري
يفـرح بس مـرة في كـل سنة
ويهمس يا مصر اذكـري .. واحـذري
نهايته يا مصر اللي كانت أصبحت وخلاص
تمثال بديع وانفه في الطين غاص
وناس من البدو شدوا عليه حبال الخيش
والقرص رع العظيم بقى صاج خبيز للعيش
وساق محارب قديم مبتورة ف أبو قرقاص
ما تعرف اللي بترها سيف والا رصاص
والا الخراب اللي صاب عقل البلد بالطيش
قال ابن خلدون أمم متفسخة تعيش ليش
وحصان صهل صحى جميع الجيش
على اسم مصر
الرجوع الى أعلى الصفحة اذهب الى الأسفل
LOLO 52
مشرفة مميزة
مشرفة مميزة


انثى عدد الرسائل: 1255
العمر: 24
الموقع: القاهرة
العمل/الترفيه: عااااااااااطل لحد بداية الدراسة
تاريخ التسجيل: 02/09/2007

مُساهمةموضوع: رد: اشعار صلاح جاهين   الأحد أكتوبر 21, 2007 10:37 pm

ياعينى عليك

باشا طووووول عمرك
شكراااااااااا يا بلياتشووووووو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
o0o MiRa o0o
مشرفه عسولة
مشرفه عسولة


انثى عدد الرسائل: 81
العمر: 26
الموقع: alex
العمل/الترفيه: singing
تاريخ التسجيل: 11/09/2007

مُساهمةموضوع: رد: اشعار صلاح جاهين   السبت أكتوبر 27, 2007 11:28 pm

بجد فكرة حلوة اوى وبجد كنت هعملها بس انت سبقتنى لانى بعشق الرباعيات بجد مبدع فيها صلاح جاهين تسلللللللللللللللللللللم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
تامر حسني



ذكر عدد الرسائل: 24
العمر: 38
الموقع: tamir hosni
تاريخ التسجيل: 08/11/2007

مُساهمةموضوع: رد: اشعار صلاح جاهين   الثلاثاء ديسمبر 04, 2007 11:03 pm

فين الباقي يابلياتشو
انت فين اصلا
ياريت اشوفك قريب في المنتدي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الغسق الدامى
عضوة سوبر ستار
عضوة سوبر ستار


انثى عدد الرسائل: 273
العمر: 26
الموقع: انا اذلنى الحب اخرسنى واعمانى
تاريخ التسجيل: 25/11/2007

مُساهمةموضوع: رد: اشعار صلاح جاهين   الثلاثاء ديسمبر 18, 2007 2:44 am

تسمحلى يابلياتش بعد اذنك


ده لو مش يضايقك انى اضيف بس قصيده رائعه للعبقرى صلاح جاهين؟؟؟؟

ممكن؟؟؟

شكرا جدا


مع القصيده
الدرس انتهى
الدرس انتهى لموا الكراريس
بالدم اللى على ورقهم سـال
فى قصـر الأمم المتــحدة
مسـابقة لرسـوم الأطـفال
ايه رأيك فى البقع الحمـرا
يا ضمير العالم يا عزيزى
دى لطفـلة مصرية وسمرا
كانت من أشـطر تلاميذى
دمها راسم زهرة
راسم رايـة ثورة
راسم وجه مؤامرة
راسم خلق جباره
راسم نـار
راسم عار
ع الصهيونية والاستعمار
والدنيا اللى عليهم صابرة
وساكته على فعل الأباليس
الدرس انتـهى
لموا الكراريس ..

ايه رأى رجـال الفكر الحر
فى الفكرادى المنقوشة بالدم
من طفل فقير مولود فى المر
لكن كان حلو ضحوك الفـم
دم الطـفل الفـلاح
راسم شمس الصباح
راسم شـجرة تفاح
فى جناين الاصلاح
راسم تمساح
بألف جناح
فى دنيا مليانة بالأشبـاح
لكنـها قلـبها مرتــاح
وساكتة على فعل الأباليس
الدرس انتـهى
لموا الكراريس

ايه رأيك يا شعب يا عربى
ايه رأيك يا شعب الأحـرار
دم الأطـفال جايلك يحـبى
يقول انتـقموا من الأشـرار
ويسيل ع الأوراق
يتهجى الأسـماء
ويطـالب الآبـاء
بالثـأر للأبـناء
ويرسم سيف
يهد الزيـف
ويلمع لمعة شمـس الصيف
فى دنيا فيها النور بقى طيف
وساكتة على فعل الأباليـس
الدرس انتهى لموا الكراريس



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.ar-hp.com/Index.htm
البلياتشو*
بلياتشو المجانين
بلياتشو المجانين


ذكر عدد الرسائل: 115
العمر: 36
الموقع: العجوزة
تاريخ التسجيل: 07/11/2007

مُساهمةموضوع: رد: اشعار صلاح جاهين   الإثنين يناير 07, 2008 6:44 pm

سأكمل الاشعار التي وضعتها هناحصان عرابي جميل حصان عرابي أصيل
حصان عرابي رشيق ديله طويل
يسهر مع الخيل طول الليل يتكلم
ويقول أراء رغم إنه ماكانش متعلم
ويقف في عابدين وياخذ زاوية البروفيل
للرسامين يرسموه ونشوفه جيل ورا جيل
ويعدي كالريح على المجاريح ويسلم
وحافره ع الصخر في التل الكبير علم
ولما صابه انفجار القنبلة اتالم
على اسم مصر

والمس حجارة الطوابي وادق بكعابي
يرجع لي صوت الصدى يفكرني بعذابي
يا ميت ندامة على أمة بلا جماهير
ثورتها يعملها جيشها ومالها غيره نصير
والشعب يرقص كأنه عجوز متصابي
إنهض من القبر احكي القصة يا عرابي
يطل لي رافع الطهطاوي م التصاوير
شاحب ومجروح في قلبه وجرح قلبه خطير
وعيونه مغرورقين بيصبوا دمع غزير
على اسم مصر

مالك سلامتك بتبكي ليه يا طهطاوي
قال لك عرابي .. انكسر بسلاح أوروباوي
وسلاح أوروبا ماهواش المدافع بس
ده فكر ناقد مميز للثمين والغث
قلناها ميت ألف مرة ألف مرة بصوت جهير داوي
بس الحماقة لاليها طبيب ولا مداوي
ولا حد م الخلق بالخطر اللي داخل حس
الغفلانين اللي خلوا العقل صابه مس
قالوا الخطر هو فكر أوروبا لو يندس
على اسم مصر

أحسنت في القول صحيح يا ولد يا متنبي
جبت اللي جوه الفؤاد عن مصر متعبى
وحكمت بالعدل لكن بعضنا انظلموا
" يا أمة ضحكت من جهلها الأمم "
العلم كان عندنا من صغره متربي
لكنه هاجر وعدى البحر متخبي
لما الإيران هجموا ثم اليونان هجموا
ثم الرومان دمروا ثم التتار هدموا
ثم الجميع كل واحد جه مسح قدمه
على اسم مصر

أيها الديك رفيع الموضع
يا صفيحاً فوق مسمار يدور
صف لنا فعل الرياح الأربع
قل لنا .. لو كنت تدري ما يدور
قال صه . فالآن ريح الشرق جاءت
تحمل الضوضاء من سوق المزاد
وتغني دون لحن كيف شاءت
أنا ريح الشرق أدعى شهرزاد
أنا أحكي ثم أحكي ثم أحكي
وأمامي السيف كالعشب يميل
وبكائي يتساوى مع ضحكي
طالما كان بأسلوب جميل
ثم ها قد أرسل الغرب رياحه
تزكم الأنف برائحة عجب
وتغني كبغى في مناحة
أنا ريح الغرب لوني كالذهب
أنا صفراء برمل الصحراء
أدفن الخضرة تحتي دون رحمه
أوصدوا الباب بوجهي الحقراء
حسنا فلتصبح القرية فخمة
ثم ها قد اقبلت ريح الجنوب
بدخان الدهن تسري عابقة
وتغني انني أدعي الهبوب
أنا سوداء كبئر المشنقة
أنا سوداء كأفعى هائلة
كرماد النوم ينثر في العيون
كالعرايا في المروج الموحلة
سعداء .. تعساء ..يرقصون
وتأنى برهة ديك الصفيح
يلقط الأنفاس وهو يترنح
دائراً دورته مع كل ريح
وأخيراً صاح كالأسد المجنح
هللويا ..أقبلت ريح الشمال
في غلالات رقاق راعشه
وهي تشدو بحنو ودلال
ها أنا ريح الشمال المنعشة
إنني وردية مثل العسل
ديدمونا .. هكذا يدعونني
قد عبرت البحر يحدوني الأمل
لعطيل أسمر ..
يخنقني !
ومضى ديك الرياح في دعه
من يمين ليسار يتذبذب
وبدا اضحوكة وإمعه
وهو مصلوب شهيد يتعذب
وعلى رأي المثل
الديك الصفيح
بيدوخ ويا الريح
والديك الصفيح
م البيضه بيصيح
ويقول بالصريح
الفكر فوق في الشمال يا الله الحقوه يا ولاد
لحقوه ولاد من ولاد الأغنيا الأسياد
وهم راجعين رموه في الباخرة في البحر
ونزلوا حكموا في ظل الانجليز والقصر
ومصر في الشمس بتغربل كلام منعاد
عن ابن بنت ابن حنت وطارق ابن زياد
والانجليز راضية بالخطباء وخطب الفخر
خطيب يهز الرؤوس وخطيب يهز الخصر
وخطيب يموت موتة الأبطال قتيل القهر
على اسم مصر

والانجليز معجبين بمراسم التأبين
مات مصطفى كامل اتملت البلد صواوين
والمشرقين شوقي جابهم لجل يبكوا عليه
آه لو عرف هم إيه دلوقت وبقم إيه
المشرق الأولاني هو شعب الصين
هزم التخلف بتنظيم اشتراكي رصين
تنظيم يروح اللومان على طول كده برجليه
والمشرق التاني ينحط الحديد في إيديه
مليون شهيد يعني ثورة تخض شوقي بيه
على اسم مصر

هل مصر موميا جميلة صورتها فوق النعش
يعشقها مجنون ينادي عليها ولا تطلعش
هل مصر نار صفصفت والنفخ فيها محال
والأرض نشعت على رمادها استحال أوصال
سألت أنا الرافعي كان عجٌز ولا بيسمعش
لكن عينيه كانوا يحكولي قصص ما اشبعش
يقولولي ماتخافش مصر بخير وعال العال
مصر الجبرتي ومصر الرافعي حال غير الحال
انظر محمد فريد أعظم وأرقى مثال
على اسم مصر

خذ الكتاب في يمينك وانظر الترقيم
عند المحبة وعند الموت في حرف الميم
تلقى محمد فريد بينهم مقيم ع العهد
وتلقى وجهه المدوٌر زي قرص الشهد
مليان حماسة وكياسة وجدعنه وتصميم
على إيه مصمم؟ .. يسهٌم زي كل زعيم
ويقول على الثورة اللي وأدوا ثورته في المهد
أنا بابني في السر شيء صعب المنال كالفهد
على اسم مصر

محلول مركز من السكر في كباية
وف قلبه خيط يتلضم حباية حبايه
سكر نبات بللورات الماظ بتضوي ضي
وتفضل الألماظات تكبر شوي شوي
لحد ما العقد يبقى في الجمال غايه
ده الحزب في الشعب نضرب به المثل آيه
الصلب والسايل الاثنين سوا ياخي
تنظيم محمد فريد في كل قريه وحيٌ
بللوره بتشع بالثورة اللي يومها جيٌ
على اسم مصر

العقد الماظ ورقبة مصر لايقاله
ضيٌع فريد كل أرضه عليه وأمواله
وفجأة حاكموه ويالله نفوه عن الأوطان
وحرب عالمية أولى ووفد م الأعيان
وثورة والانجليز انحطوا وانشالوا
مين اللي نظٌم فلول الشعب ده بحاله
ازاي جميع البلاد تنهض في نفس الآن
القاهرة اسكندرية منفلوط اسوان
وبعيد يا ولداه فريد مرمي وحيد شرقان
على اسم مصر

السيمفونية اسمها الثورة على المحتل
سنة تسعتاشر اتعزفت في كل محل
تأليف محمد فريد ألفها من سنوات
وكتب لها النوتة بوق وبيانو وكمنجات
عزفوها من غير قيادته وجمعهم ما اختل
غير وقت صرف الأجور لما النفر ينذل
من وقتها وغلوشت نغمات على نغمات
وسعد زغلول زعيم مشغول في الانتخابات
يخطب ويضرب يابده يطبع البصمات
على اسم مصر

وف أوضة عريانة فيها كل شيء بردان
رقد فريد وحده بالحمى والهـذيان
وقام وقف ع السرير في تلج المانيا
ينده يا مصر اسمعي اللي مفاق الدنيا
ووصيتي الثورة لاشتراكية والبنيان
ثورة بحق وحقيق مش حركة م الأعيان
ماتغمضوش عن وحوش الغرب ولا ثانية
ح تروح وحوش لنجليز تطلع وحوش تانية
وسقط ونطق الشهادة ونظرته الحانية

__________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 

اشعار صلاح جاهين

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

 مواضيع مماثلة

-
» مهند صلاح

صلاحيات هذا المنتدى:لاتستطيع الرد على المواضيع في هذا المنتدى
النـــــــــــــــــــــــــــــــــــدي كــــــــــــــــافيــــــــــه ::  :: -